NEWS UPDATE

6/recent/ticker-posts

വിവാഹാഭ്യർഥന നിരസിച്ചതിന് സീരിയൽ നടിയെ കുത്തിപരിക്കേൽപ്പിച്ചു

മുംബൈ: വിവാഹാഭ്യർഥന നിരസിച്ചതിന്​ സീരിയൽ നടിയെ കത്തികൊണ്ട്​ കുത്തിപരിക്കേൽപ്പിച്ചു. നടി മാൽവി മൽഹോത്രക്ക്​ നേരെ തിങ്കളാഴ്​ച രാത്രിയാണ്​ ആക്രമണമുണ്ടായത്​.[www.malabarflash.com] 


വയറിനും കൈകൾക്കും കുത്തേറ്റ അവരെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു. മാൽവിയുടെ ആരോഗ്യനിലയിൽ പുരോഗതിയുണ്ടെന്ന്​ പോലീസ്​ അറിയിച്ചു.

ആഡംബരകാറിലെത്തിയ യോഗേശ്വർകുമാർ മഹിപാൽ സിങ്ങാണ്​ കൃത്യം നടത്തിയതെന്ന്​ പോലീസ്​ പറഞ്ഞു. സംഭവസ്ഥലത്ത്​ നിന്ന്​ രക്ഷപ്പെട്ട ഇയാൾക്ക്​ വേണ്ടിയുള്ള തെരച്ചിൽ പോലീസ്​ ആരംഭിച്ചിട്ടുണ്ട്​.

യോശ്വേർ കുമാർ സിങ്ങിനെ ഒരു വർഷമായി അറിയാമെന്നും സുഹൃത്തുകളായിരുന്നുവെന്നും നടി പോലീസിന്​ മൊഴി നൽകി. ഈയടുത്ത്​ യോഗേശ്വർ വിവാഹഭ്യർഥന നടത്തിയെന്നും തുടർന്ന്​ ഇയാളുമായുള്ള സൗഹൃദം ഉപേക്ഷിച്ചുവെന്നും നടി വ്യക്​തമാക്കി.

തിങ്കളാഴ്​ച രാത്രി ഒമ്പത്​ മണിയോടെ മുംബൈയിലെ കഫേയിൽ നിന്ന്​ വീട്ടിലേക്ക്​ മടങ്ങുകയായിരുന്ന നടിയെ ഔഡി കാറിലെത്തിയ യോഗേശ്വർ തടഞ്ഞുനിർത്തി കുത്തിവീഴ്​ത്തുകയായിരുന്നുവെന്ന്​ പോലീസ്​ എഫ്​.ഐ.ആറിൽ പറയുന്നു​.

Post a Comment

0 Comments