NEWS UPDATE

6/recent/ticker-posts

Header Ads Widget

ads header

കോവിഡ്​ മറന്ന്​ കോഴിക്കോട് കോർപറേഷൻ യോഗത്തിൽ പൊരിഞ്ഞ അടി

കോഴിക്കോട്: കോവിഡ്​ കാലത്ത്​ സാമൂഹിക അകലം പാലിച്ച്​ ചേർന്ന കോഴിക്കോട് നഗരസഭ കൗൺസിൽ യോഗം കൈയ്യാങ്കളിയിൽ കലാശിച്ചു. അജണ്ട മാറ്റിവെക്കണമെന്നാവശ്യപ്പെട്ടുള്ള വാക്പോരാണ്​ കോവിഡ്​ സാഹചര്യം മറന്ന്​ പൊരിഞ്ഞ അടിയിൽ കലാശിച്ചത്​.[www.malabarflash.com]


ആരോഗ്യസ്ഥിരം സമിതി ചെയർമാൻ കെ.വി ബാബുരാജും, കോൺഗ്രസ് കൗൺസിലർ നിയാസും തമ്മിലാണ് കൈയ്യാങ്കളിയുണ്ടായത്. ബാബുരാജി​െൻറ അടിയേറ്റ്​ നിയാസ്​ നിലത്തുവീണു. പിടിച്ചുമാറ്റിയതിനെ തുടർന്നാണ്​ മറ്റു അനിഷ്​ടങ്ങൾ ഒഴിവായത്​.

മെഡിക്കൽ കോളജ്​ റസ്​റ്റ്​ ഹൗസ്​ കെട്ടിടത്തിലെ ഏഴ്​, എട്ട്​ മുറികളുടെ മുൻഭാഗത്ത്​ ഷീറ്റിട്ടതിന്​ തറവാടക നിശ്ചയിച്ച്​ നൽകാനുള്ള കെ. നിസാറി​െൻറ അപേക്ഷ സംബന്ധിച്ച അജണ്ട യോഗത്തിൽ വായിച്ച ഉടനെ ഭരണപക്ഷ കൗൺസിലർ കെ.ടി. സുഷാജ്​ ഇത്​ മാറ്റിവെക്കണമെന്നാവശ്യപ്പെട്ടു. കെ.എം. റഫീഖ്​ പിന്തുണച്ചും രംഗത്തെത്തിയതോടെ അധ്യക്ഷതവഹിച്ച ഡെപ്യൂട്ടി മേയർ മീര ദർശക്​ മാറ്റിവെക്കുകയാണെന്നറിച്ചു. 

തുടർന്ന്​ പക്ഷപാതപരമായി പെരുമാറുന്നു എന്നാരോപിച്ച്​ നിയാസും മുഹമ്മദ്​ ഷമീലും നടുത്തളത്തിലിറങ്ങുകയും ഡെപ്യൂട്ടി മേയറോട്​ കയർക്കുകയും ചെയ്​തു. ഇതോടെ കെ.വി. ബാബുരാജ്​ അടക്കമുള്ളവർ രംഗത്തുവന്നു. പിന്നാലെയാണ്​ ഭരണ–പ്രതിപക്ഷ അംഗങ്ങൾ തമ്മിൽ സംഘർഷമുണ്ടായത്​.

ബാബുരാജും നിയാസും തമ്മിൽ അടിപിടിയായി​. എം.സി. അനിൽകുമാർ ഉൾപ്പെടെ ഭരണപക്ഷത്തെ പ്രമുഖരും പ്രതിപക്ഷത്തുള്ളവരും സംഘടിച്ച്​ പിന്നാലെ കൈയാങ്കളിയും തുടങ്ങി. യോഗം നിർത്തിവെക്കുകയാണെന്ന്​ ഡെപ്യൂട്ടി മേയർ അറിയിച്ചതോടെയാണ്​ സംഘർഷം അയഞ്ഞത്​.

Post a Comment

0 Comments