LIVE TV
Top
Reading Problem? Download Font
Latest Post

കൈക്കൂലി നല്‍കാന്‍ വിസമ്മതിച്ച സ്ത്രീയെ പോലീസ് തീയിട്ടു

Written By malabar flash on Tuesday, July 7, 2015 | 12:42

ലക്‌നോ: [www.malabarflash.com] ഭര്‍ത്താവിന്റെ മോചനത്തിന് കൈക്കൂലി നല്‍കാന്‍ വിസമ്മതിച്ച സ്ത്രീയെ പോലീസുകാര്‍ ചേര്‍ന്ന് തീകൊളുത്തിയതായി ആരോപണം. മാധ്യമപ്രവര്‍ത്തകന്റെ അമ്മ കൂടിയായ സ്ത്രീ ഗുരുതരമായ പൊള്ളലുകളോടെ ആസ്പത്രിയില്‍ ചികിത്സയിലാണ്. 

സംഭവത്തിന് ഉത്തരവാദികളെന്ന് സംശയിക്കുന്ന രണ്ട് പോലീസ് ഉദ്യോഗസ്ഥരെ സസ്‌പെന്‍ഡ് ചെയ്തു. എന്നാല്‍, മകനെ മോചിപ്പിക്കാനെത്തിയ സ്ത്രീ സ്വയം തീ കൊളുത്തുകയായിരുന്നുവെന്നാണ് സസ്‌പെന്‍ഷനിലായ പോലീസുകാര്‍ പറയുന്നത്.

ഉത്തര്‍പ്രദേശിലെ ബാരാബങ്കിയിലാണ് സംഭവം. പ്രാദേശിക ഹിന്ദി ദിനപത്രത്തിന്റെ ലേഖകന്റെ അമ്മയായ നീതു ദ്വിവേദിയാണ് പോലീസുകാരുടെ ക്രൂരതയ്ക്ക് ഇരയായത്. ഗാഹ ഗ്രാമത്തില്‍ സ്ത്രീകളെ അപമാനിക്കാന്‍ ശ്രമിച്ചതിനെ തുടര്‍ന്നുണ്ടായ വെടിവെപ്പുമായി ബന്ധപ്പെട്ട് ശനിയാഴ്ച പോലീസ് കസ്റ്റഡിയിലെടുത്ത രാം നരെയ്‌നെ മോചിപ്പിക്കാനാണ് താന്‍ കോതി പോലീസ് സ്‌റ്റേഷനില്‍ എത്തിയതെന്ന് നീതു ദ്വിവേദി മജിസ്‌ട്രേറ്റിന് നല്‍കിയ മൊഴിയില്‍ പറഞ്ഞു. 

എന്നാല്‍, ഭര്‍ത്താവിനെ വിട്ടുനല്‍കാന്‍ ഒരു ലക്ഷം രൂപ കൈക്കൂലി നല്‍കണം എന്നായിരുന്നു സ്‌റ്റേഷന്‍ ഇന്‍ ചാര്‍ജായ രാം സാഹേബ് സിങ്ങിന്റെയും സബ് ഇന്‍സ്‌പെക്ടറായ അഖിലേഷ് റായിയുടെയും ആവശ്യം. ഇതിന് വഴങ്ങാതിരുന്ന തന്നെ ആദ്യം അധിക്ഷേപിച്ച് മടക്കിഅയക്കാന്‍ ശ്രമിച്ച പോലീസ് ഉദ്യോഗസ്ഥര്‍ തീയിട്ട് കൊല്ലാന്‍ ശ്രമിക്കുകയായിരുന്നുവെന്ന് നീതി പറഞ്ഞു. 

എന്നാല്‍, ഭര്‍ത്താവിനെ വിട്ടുകിട്ടില്ലെന്ന് കണ്ടതോടെ ക്ഷുഭിതയായ നീതു സ്‌റ്റേഷനില്‍വച്ചു തന്നെ കൈയില്‍ കരുതിയ പെട്രോള്‍ ദേഹത്ത് ഒഴിച്ച് സ്വയം തീ കൊളുത്തുകയായിരുന്നുവെന്ന് ഉദ്യോഗസ്ഥര്‍ പിന്നീട് പറഞ്ഞു.

കഴിഞ്ഞ മാസം ഷഹരന്‍പുരില്‍ ഒരു മാധ്യപ്രവര്‍ത്തകനെ പോലീസുകാര്‍ ചേര്‍ന്ന് തീയിട്ട് കൊലപ്പെടുത്തിയിരുന്നു. ഇതിനെ കുറിച്ചുള്ള അന്വേഷണം പുരോഗമിക്കുന്നതിനിടെയാണ് പുതിയ സംഭവം ഉണ്ടായിരിക്കുന്നത്.
Advertisement

Keywords: National News, Kerala Vartha, Malabarflash, Malabar news, Malayalam News

മലയാളി യുവതിയെ ഖത്തറില്‍ കൂട്ട ബലാത്സംഗത്തിനിരയാക്കിയ കേസിലെ പ്രതി പിടിയില്‍

തിരുവനന്തപുരം: [www.malabarflash.com]വീട്ടുജോലിക്കെന്ന വ്യാജേന മലയാളി യുവതിയെ ഖത്തറിലെത്തിച്ച് കൂട്ട ബലാത്സംഗത്തിനിരയാക്കിയ കേസില്‍ ഒരാള്‍ കൂടി അറസ്റ്റിലായി. മലപ്പുറം തിരുനാവായ സ്വദേശി സുലൈമാന്‍(35) ആണ് അറസ്റ്റിലായത്.

ഇയാള്‍ മുംബൈയിലുണ്ടെന്ന രഹസ്യ വിവരത്തെ തുടര്‍ന്ന് തമ്പാനൂര്‍ പോലീസ് മുംബൈയില്‍ വെച്ചാണ് ഇയാളെ പിടികൂടിയത്. മുംബൈ മെട്രോപോളീറ്റന്‍ മജിസ്ര്‌ടേറ്റ് മുമ്പാകെ ഹാജരാക്കിയ ശേഷം സുലൈമാനെ തിരുവനന്തപുരത്ത് എത്തിച്ചു. സ്ത്രീയെ ഖത്തറില്‍ എത്തിച്ചുകൊടുത്ത റഷീദ് എന്നയാളെ ഒരു വര്‍ഷം മുമ്പ് പോലീസ് അറസ്റ്റുചെയ്തിരുന്നു.

ട്രാവല്‍ ഏജന്‍സിക്കാരന്റെ സഹായത്തോടെയാണ് പാരിപ്പള്ളി സ്വദേശിനിയെ വീട്ടുജോലിക്കായി ഖത്തറില്‍ എത്തിച്ചത്. സ്ത്രീയെ ഖത്തര്‍ എയര്‍പോര്‍ട്ടില്‍ വെച്ച് സുലൈമാനും മലപ്പുറം സ്വദേശികളായ മറ്റ് മൂന്നുപേരും ചേര്‍ന്ന് ഉള്‍പ്രദേശത്തുള്ള ഒരു വീട്ടിലെത്തിച്ച് പത്ത് ദിവസത്തോളം പീഡിപ്പിക്കുകയായിരുന്നെന്ന് പോലീസ് പറഞ്ഞു. മറ്റൊരാളുടെ സഹായത്തോടെ അവിടെനിന്ന് രക്ഷപ്പെട്ട് തിരുവനന്തപുരത്തെത്തിയ സ്ത്രീ സിറ്റി പോലീസ് കമ്മീഷണര്‍ക്ക് പരാതി നല്‍കിയിരുന്നു.
Advertisement

Keywords: Kerala News, Kerala Vartha, Malabarflash, Malabar news, Malayalam News

ഐഎസ് ഭീകരര്‍ 111 സ്‌കൂള്‍ വിദ്യാര്‍ഥികളെ തട്ടിക്കൊണ്ടുപോയി

ബാഗ്ദാദ്:[www.malabarflash.com] വടക്കന്‍ ഇറാഖിലെ മൊസൂള്‍ നഗരത്തിന്റെ വിവിധ പ്രദേശങ്ങളില്‍ നിന്നായി 111 സ്‌കൂള്‍ വിദ്യാര്‍ഥികളെ ഐഎസ് ഭീകരര്‍ തട്ടിക്കൊണ്ടുപോയി. 10 നും 15 നും വയസ്സിനിടയില്‍ പ്രായമുള്ളവരാണ് കുട്ടികള്‍. ഭീകരപ്രവര്‍ത്തനങ്ങള്‍ക്കായി കുട്ടികളെ ഉപയോഗിക്കുകയാണ് ഐഎസ് ലക്ഷ്യം.

കുട്ടികളെ ഇറാഖിലെ വിവിധ തീവ്രവാദ പരിശീലന കേന്ദ്രങ്ങളിലേയ്ക്ക് മാറ്റിയിരിക്കുകയാണെന്ന് ഇറാഖിലെ അറബിക് ന്യൂസ് ചാനല്‍ റിപ്പോര്‍ട്ട് ചെയ്തു. കുട്ടികളെ തട്ടിക്കൊണ്ടുപോകുന്നത് തടയാന്‍ ശ്രമിച്ച 78 പേരെയും ഐഎസ് തടവിലാക്കിയിട്ടുണ്ട്.

ഇതുവരെ 1420 വിദ്യാര്‍ഥികളെ ഐഎസ് തട്ടിക്കൊണ്ടു പോയതായിട്ടാണ് അനൗദ്യോഗിക കണക്കുകള്‍. നിര്‍ബന്ധിത പരിശീലനം നല്‍കി ഇവരെ ഭീകരപ്രവര്‍ത്തനങ്ങള്‍ക്കായി ഉപയോഗിക്കുന്നതായി കണ്ടെത്തിയിട്ടുണ്ട്. തങ്ങളുടെ തന്നെ 15 പേരെ ഐഎസ് അടുത്തിടെ കൊലപ്പെടുത്തിയതും കുട്ടികളെ ഉപയോഗിച്ചായിരുന്നു.
Advertisement

Keywords: International News, Gulf News,  Kerala Vartha, Malabarflash, Malabar news, Malayalam News

ഷാര്‍ജയില്‍ രാജ്യസുരക്ഷയെ ബാധിക്കുന്ന വാര്‍ത്ത പ്രചരിപ്പിച്ചാല്‍ നടപടി

ഷാര്‍ജ: [www.malabarflash.com] രാജ്യത്തിന്റെ സുരക്ഷാ സംവിധാനത്തെ ബാധിക്കുന്ന വാര്‍ത്തകളും സന്ദേശങ്ങളും പ്രചരിപ്പിക്കരുതെന്ന് പൊലീസിന്റെ മുന്നറിയിപ്പ്. ഉറവിടമറിയാത്ത സന്ദേശങ്ങളും വ്യാജ വാര്‍ത്തകളും സമൂഹ മാധ്യമങ്ങളിലൂടെയും മറ്റും പ്രചരിപ്പിക്കുന്നതു കടുത്ത നിയമലംഘനമാണ്. സ്വദേശികളും വിദേശികളും ഇക്കാര്യത്തില്‍ ജാഗ്രത പുലര്‍ത്തണം. 

രാജ്യത്തിന്റെ സുരക്ഷയ്ക്കു ഭംഗം വരുത്തുന്ന വിധത്തില്‍ സത്യവിരുദ്ധമായ സന്ദേശങ്ങളും ചിത്രങ്ങളും നവമാധ്യമങ്ങളിലൂടെയും സ്മാര്‍ട് സംവിധാനങ്ങളിലൂടെയും പ്രചരിപ്പിക്കരുത്. നിയമപ്രശ്‌നങ്ങള്‍ നേരിടാതിരിക്കാന്‍ വാര്‍ത്തകള്‍ പ്രസിദ്ധീകരിക്കുന്നതും പുന:സംപ്രേഷണം ചെയ്യുന്നതില്‍ നിന്നും വിട്ടുനില്‍ക്കണം. 

ഏതൊരു വാര്‍ത്തയും പ്രചരിപ്പിക്കുന്നതിനു മുന്‍പ് നിയമസ്ഥാപനങ്ങളില്‍ നിന്നോ പൊലീസ് സ്‌റ്റേഷനുകള്‍ വഴിയോ വാര്‍ത്തയുടെ സത്യസന്ധത ഉറപ്പുവരുത്തണം. രാജ്യത്തിന്റെ സുരക്ഷയ്ക്കു സഹായകമാകുന്ന വിധത്തിലും അത്തരം സ്ഥാപനങ്ങളോടു സഹകരിച്ചുമായിരിക്കണം സമൂഹത്തിലെ ഓരോ വ്യക്തിയും പെരുമാറേണ്ടത്. 

ഷാര്‍ജ പൊലീസിന്റെ വെബ്‌സൈറ്റിലാണു പൊതുജനങ്ങളെ ബോധവല്‍ക്കരിക്കുന്നതിന്റെ ഭാഗമായി അറിയിപ്പ് പ്രസിദ്ധപ്പെടുത്തിയത്.
Advertisement

Keywords: Gulf News,  Kerala Vartha, Malabarflash, Malabar news, Malayalam News

പൂര്‍വ്വ സ്മൃതികളുണര്‍ത്തി നീലേശ്വരത്ത് മാരാര്‍ കല്യാണം

നീലേശ്വരം:[www.malabarflash.com] പൂര്‍വ്വ സ്മൃതികളുണര്‍ത്തി നീലേശ്വരത്ത് വീണ്ടും ഒരു മാരാര്‍ കല്യാണം. സ്വന്തം ഭാര്യയെ വീണ്ടും താലി ചാര്‍ത്തി പുനര്‍വിവാഹം നടത്തുന്ന ചടങ്ങാണ് മാരാര്‍ കല്യാണം. 

വാദ്യകലയിലെ മികവിന് നീലേശ്വരം രാജാവില്‍ നിന്നും സ്വര്‍ണ്ണ വള സ്വീകരിച്ച് മാരാര്‍ പദവി കല്‍പ്പിച്ചു നല്‍കിയ നീലേശ്വര കിഴക്കന്‍ കൊഴുവലിലെ പുളിയില വീട്ടില്‍ ദാമോദര മാരാരാണ് ആചാര ചടങ്ങിന്റെ ഭാഗമായി സ്വന്തം ഭാര്യ നിഷയെ മിന്നുചാര്‍ത്തി പുനര്‍വിവാഹം ചെയ്തത്. അപൂര്‍വ്വമായി നടക്കുന്ന ഈ ചടങ്ങ് പുതുതലമുറക്ക് പുത്തന്‍ അനുഭവമായി.

നീലേശ്വരത്തെ വി വി കുഞ്ഞമ്പു മാരാര്‍- പാര്‍വ്വതി ദമ്പതികളുടെ മകനായ ദാമോദര മാരാര്‍ക്ക് അടുത്തിടെ പടിഞ്ഞാറ്റം കൊഴുവല്‍ മാടത്തിന്‍ കീഴില്‍ ക്ഷേത്ര പാലക ക്ഷേത്രം നവീകരണ പുന:പ്രതിഷ്ഠാകര്‍മ്മ ഭാഗമായി നടന്ന ചടങ്ങിലാണ് ക്ഷേത്രം തന്ത്രി ദാമോദര മാരാര്‍ക്ക് മികവിന്റെ അടയാളമായി സ്വര്‍ണ്ണവള സമ്മാനിച്ചത്. 

ആചാര പ്രകാരം പിന്നീടത് രാജാവില്‍ നിന്നും ഏറ്റുവാങ്ങുകയായിരുന്നു. വിവിധ ക്ഷേത്ര ഭാരവാഹികള്‍, പൗരപ്രമുഖര്‍, സമുദായ അംഗങ്ങള്‍ എന്നിവര്‍ സന്നിഹിതരായി. പട്ടുംവളയും നല്‍കി രാജാവ് മൂന്നു തവണ ആചാര പേരു ചൊല്ലി വിളിച്ച് അനുഗ്രഹിച്ചു. 

തുടര്‍ന്നു തളിയില്‍ നീലകണ്‌ഠേശ്വര ക്ഷേത്രം, മന്നംപുറത്ത് കാവ് എന്നിവിടങ്ങളില്‍ ദര്‍ശനം നടത്തിയ ശേഷം സ്വഭവനത്തിലെത്തിയ ദാമോദര മാരാരെ താലപ്പൊലിയോടും ആചാരപരമായി സ്വീകരിച്ചു. തുടര്‍ന്നു പടിഞ്ഞാറ്റയില്‍ വെച്ച് രക്ഷിതാക്കളും തലമുതിര്‍ന്ന അംഗങ്ങളും തലയില്‍ അരിയിച്ച് അനുഗ്രഹിച്ചു. 

പിന്നീട് മുതിര്‍ന്ന സമുദായം അംഗങ്ങളോടൊപ്പം ഇരുത്തി ഇല വെച്ച് ഭാര്യ നിഷ അപ്പം വിളമ്പി. ഈ ചടങ്ങിനിടയിലാണ് താലി ചാര്‍ത്തല്‍ ചടങ്ങ് നടന്നത്. തുടര്‍ന്ന് ഭാര്യ കാരയപ്പം വാരി ആള്‍ക്കൂട്ടത്തിലേക്ക് എറിയുന്ന ചടങ്ങോടെ മാരാര്‍ കല്യാണത്തിന് സമാപനമായി. തുടര്‍ന്ന് തളിയില്‍ നീലകണ്‌ഠേശ്വര ക്ഷേത്രം അഗ്രശാലയില്‍ വിഭവസമൃദ്ധമായി സദ്യയും ഉണ്ടായി.
Advertisement

Keywords: Kasaragod News, Gulf News,  Kerala Vartha, Malabarflash, Malabar news, Malayalam News

ചോറു വെന്തതു പോരെന്നാരോപിച്ച് മകന്‍ വൃദ്ധയായ ഉമ്മയെ അടിച്ചു കൊന്നു

വാടാനപ്പള്ളി: [www.malabarflash.com] ചോറു വെന്തതു പോരെന്നാരോപിച്ചു മകന്റെ മര്‍ദനം; വൃദ്ധയായ വീട്ടമ്മ മരിച്ചു. ഗണേശമംഗലം ക്ഷേത്രത്തിനു പിന്‍വശത്തുള്ള ഗണേശമംഗലം കോളനിയിലെ കൊപ്പറമ്പില്‍ വീട്ടില്‍ പരേതനായ യൂസഫിന്റെ ഭാര്യ ജുമൈല (65)യാണു മരിച്ചത്. മകന്‍ അബ്ദുള്‍ ഹക്കീമിനെ വാടാനപ്പള്ളി പോലീസ് കസ്റ്റഡിയിലെടുത്തു.

തിങ്കളാഴ്ച ഉച്ചകഴിഞ്ഞു രണ്ടരയോടെയായിരുന്നു നാടിനെ നടുക്കിയ സംഭവം. ഉച്ചയ്ക്കു വീട്ടില്‍ ഊണു കഴിക്കാനെത്തിയ ഹക്കിം ചോറു ശരിയായി വെന്തില്ലെന്നാരോപിച്ചു ക്രുദ്ധനാവുകയായിരുന്നു. പിന്നീട് ഇതു വലിച്ചെറിയുകയും അമ്മയെ മര്‍ദിക്കുകയുമായിരുന്നുവെന്നു പറയുന്നു. ബഹളംകേട്ട് ഓടിക്കൂടിയ അയല്‍വാസികള്‍ ജുമൈലയെ മൂക്കില്‍നിന്നു രക്തം ഒഴുകുന്ന നിലയില്‍ കണ്ടെത്തുകയായിരുന്നു. ഇവര്‍ ഉടനെ വാടാനപ്പള്ളി പോലീസില്‍ വിവരമറിയിക്കുകയായിരുന്നു. ജുമൈലയെ ആദ്യം തൃത്തല്ലൂരിലെ വാടാനപ്പള്ളി സാമൂഹികാരോഗ്യകേന്ദ്രത്തിലും പിന്നീടു വാടാനപ്പള്ളി ആക്ട്‌സ് പ്രവര്‍ത്തകര്‍ തൃശൂര്‍ ജില്ലാ ആശുപത്രിയിലെത്തിച്ചെങ്കിലും വഴിമധ്യേ മരിക്കുകയായിരുന്നു.

സംഭവസമയത്തു വീടിനുള്ളില്‍ ജുമൈലയുടെ മാനസികാസ്വാസ്ഥ്യമുള്ള മകള്‍ മുംതാസ് മാത്രമാണുണ്ടായിരുന്നത്. അബ്ദുള്‍ ഹക്കിമിനെ ഭയന്നു പൊതുവെ ഇവരുടെ വീട്ടിലേക്കു പോകാറില്ലെന്നു അയല്‍വാസികള്‍ പറഞ്ഞു. സംഭവ ശേഷം അബ്ദുള്‍ഹക്കിം വീടിന്റെ മുന്നിലെ പൈപ്പില്‍നിന്നു വെള്ളമെടുത്തു കാലുകളും മുണ്ടുമെല്ലാം കഴുകുന്നുണ്ടായിരുന്നുവെന്ന് അയല്‍വാസികള്‍ പറഞ്ഞു. അതിനുശേഷം അകത്തേക്കുപോയ ഇയാളെ പോലീസെത്തിയാണു കസ്റ്റഡിയിലെടുത്തത്. ഗ്ലാസുകൊണ്ടടിച്ചതിനായിരിക്കാം ജുമൈലയുടെ മുഖം നിറയെ പരിക്കുപറ്റിയതെന്നു സംശയിക്കുന്നതായി നാട്ടുകാര്‍ പറഞ്ഞു. 

വീടിരിക്കുന്ന സ്ഥലം തന്റെ പേരില്‍ എഴുതിനല്കണമെന്നാവശ്യപ്പെട്ടു പലപ്പോഴും അമ്മയെ ഹക്കീം മര്‍ദിക്കാറുണ്ടെന്നു പറയുന്നു. സഹോദരിയെയും മര്‍ദിക്കാറുണ്ട്. വാടാനപ്പള്ളിയില്‍ ഓട്ടോഡ്രൈവറാണു ഹക്കീം. ഭാര്യയും കുട്ടിയുമുണ്ട്. ഇവര്‍ രണ്ടു ദിവസമായി പൊന്നാനിയിലെ ഭാര്യവീട്ടിലാണ്.

ഏതാനും വര്‍ഷം മുമ്പാണു ജുമൈലയുടെ ഭര്‍ത്താവു മരിച്ചത്. അതിനു ശേഷമാണു ജുമൈലയെ മകന്‍ ഇടയ്ക്കിടെ മര്‍ദിക്കുന്നതു പതിവായതെന്നും നാട്ടുകാര്‍ പറയുന്നു. ജുമൈലയുടെ സഹോദരന്‍ യൂസഫാണ് അത്യാവശ്യ സഹായങ്ങള്‍ ചെയ്യാറുള്ളത്.
Advertisement

Keywords: Kerala News, Kerala Vartha, Malabarflash, Malabar news, Malayalam News

കുവൈത്തില്‍ മലയാളികളെ വധിച്ച് കവര്‍ച്ച: ഒന്നാം പ്രതിക്ക് വധശിക്ഷ

കുവൈത്ത്: [www.malabarflash.com] കുവൈത്തില്‍ രണ്ടു മലയാളികളെ വെടിവച്ചുകൊന്ന് പണം കവര്‍ന്ന കേസില്‍ ഒന്നാം പ്രതിക്ക് വധശിക്ഷ. രണ്ടാം പ്രതിക്ക് പത്തു വര്‍ഷം തടവും മറ്റു രണ്ടു പേര്‍ക്ക് 500 ദിനാര്‍ വീതം പിഴയുമാണ് ശിക്ഷ.

കഴിഞ്ഞ വര്‍ഷം ഏപ്രില്‍ 25നാണ് അല്‍ മുല്ല സെക്യൂരിറ്റി കമ്പനി ജീവനക്കാരായിരുന്ന കോഴിക്കോട് എരഞ്ഞിപ്പാലം സ്വദേശി ശാങ്ധരന്‍, മലപ്പുറം കൊളത്തൂര്‍ സ്വദേശി റാഷിദ് തങ്ങള്‍ എന്നിവരെ വെടിവച്ചു കൊലപ്പെടുത്തിയത്. ഒന്നാം പ്രതിയും കുവൈത്തില്‍ പൗരത്വമില്ലാത്ത ബിദുനി വിഭാഗത്തില്‍ പെട്ട 21കാരനാണ് കോടതി വധശിക്ഷ വിധിച്ചത്. 17 വയസുള്ള സിറിയന്‍ പൗരനായ രണ്ടാം പ്രതിക്ക് പത്തു വര്‍ഷം തടവു ശിക്ഷ വിധിച്ചു. കൊലപാതകത്തില്‍ നേരിട്ടു പങ്കില്ലെന്ന് കണ്ടെത്തിയ മൂന്നും നാലും പ്രതികള്‍ 500 ദിനാര്‍ വീതം പിഴ ഒടുക്കണം. വിവിധ കമ്പനികളില്‍ നിന്ന് പണം ശേഖരിച്ച് ബാങ്കില്‍ എത്തിക്കുന്ന സെക്യൂരിറ്റി കമ്പനിയുടെ ജീവനക്കാരായിരുന്നു കൊല്ലപ്പെട്ട ശാങ്ധരനും റാഷിദ് തങ്ങളും.

സുലൈബിയ പച്ചക്കറി മാര്‍ക്കറ്റിലെ ഒരു സ്ഥാപനത്തില്‍നിന്ന് ശേഖരിച്ച പണവുമായി വാഹനത്തിലേക്ക് വരുന്നതിനിടെ ഇവര്‍ക്കുനേരെ അക്രമികള്‍ വെടിവെക്കുകയായിരുന്നു. ഇവരുടെ പക്കലുണ്ടായിരുന്ന 13,000 ദിനാര്‍ പ്രതികള്‍ കവര്‍ന്നു. 

മോഷ്ടിച്ച വാഹനത്തിലെത്തിയാണ് പ്രതികള്‍ കവര്‍ച്ച നടത്തിയത്. ശാങ്ധരന്‍ സംഭവസ്ഥലത്തും റാഷിദ് തങ്ങള്‍ ആശുപത്രിയിലേക്കുള്ള വഴിമധ്യെയും മരിച്ചു. സംഭവം നടന്നു രണ്ടു ദിവസത്തിനകം തന്നെ പ്രതികളെ അവരുടെ താമസസ്ഥലത്തുവച്ച് പൊലീസ് പിടികൂടിയിരുന്നു.
Advertisement

Keywords: Gulf News,  Kerala Vartha, Malabarflash, Malabar news, Malayalam News

സാര്‍വ്വജനിക ഗണേശോല്‍സവം

കാഞ്ഞങ്ങാട്:[www.malabarflash.com] സാര്‍ജ്ജവജനിക ഗണേശോല്‍സവ 11 -ാം സാര്‍വ്വജനിക ഗണേശോല്‍സവം സെപ്തംബര്‍ 17, 18, 19 തീയ്യതികളില്‍ ഹൊസ്ദുര്‍ഗ് അമ്മനവര്‍ ക്ഷേത്ര പരിസരത്ത് നടക്കുന്നതിനുള്ള വിപുലമായ ആഘോഷ സമിതി രൂപീകരിച്ചു. 

രക്ഷാധികാരികളായി പി.ഗോപാലകൃഷ്ണന്‍ മാസ്റ്റര്‍, എച്ച്.ബി.പ്രഭാശങ്കര്‍, പി.ദാമോദര പണിക്കര്‍, എ.വി.കുഞ്ഞിക്കണ്ണന്‍, ഗുരുസ്വാമി, എസ്.കെ.കുട്ടന്‍, അഡ്വ.ഇ.സുകുമാരന്‍, മടിക്കൈ കമ്മാരന്‍. എന്നിവരെയും ആഘോഷസമിതി അദ്ധ്യക്ഷനായി എം.കൃഷ്ണന്‍ പരക്കോട്ട്, മാരായി എച്ച്.എന്‍.ശാന്താറാം, റിതേഷ് നവിന്‍, ജനാര്‍ദ്ധനന്‍ വെള്ളിക്കോത്ത്, വിജയകുമാര്‍, അഡ്വ.എം.ദിലീഷ് എന്നിവരയെയും സെക്രട്ടറിയായി എച്ച്.ആര്‍.ശ്രീധരന്‍, ജോ.സെക്രട്ടറിമാരായി എച്ച്.ഗണേശ്, ഒ.പാര്‍ത്ഥ സാരഥി, ടി.സുകുമാരന്‍, ബി.രാധാകൃഷ്ണന്‍, അമിത്കുമാര്‍, എച്ച്.പി.ഗണേശ് എന്നിവരേയും, ട്രഷററായി എന്‍.അശോക്കുമാര്‍ വിവിധ സമിതിയേയും തെരഞ്ഞെടുത്തു.
കെ.ജനാര്‍ദ്ധനന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ എ.വേലായുധന്‍, പി.ദാമോദര പണിക്കര്‍ എന്നിവ് സംസാരിച്ചു. എം.കൃഷ്ണന്‍ സ്വാഗതവും, എച്ച്.ആര്‍.ശ്രീധരന്‍ നന്ദിയും പറഞ്ഞു.
Advertisement

Keywords: Kasaragod News, Gulf News,  Kerala Vartha, Malabarflash, Malabar news, Malayalam News

മദ്യലഹരിയില്‍ തലയില്‍ അമിട്ട് വച്ചു പൊട്ടിച്ച യുവാവ് മരിച്ചു

ന്യൂയോര്‍ക്ക്‌: [www.malabarflash.com] സുഹൃത്തുക്കളോടൊപ്പം മദ്യപിച്ചിരിക്കെ തലയില്‍ പടക്കം വച്ചു പൊട്ടിച്ച് യുവാവ് മരിച്ചു. ഡെവിന്‍ സ്റ്റേപിള്‍സ് എന്ന 22 കാരനാണ് മദ്യലഹരിയില്‍ പടക്കം തലയില്‍ വച്ചു പൊട്ടിച്ചത്.

അമേരിക്കയുടെ സ്വാതന്ത്ര്യദിനമായ ഫോര്‍ത്ത് ഓഫ് ജൂലൈ ആഘോഷിക്കുകയായിരുന്ന ഡെവിനും സുഹൃത്തുക്കളും. അമേരിക്കയിലെ സ്വാതന്ത്ര്യ ദിനത്തിന്റെ പ്രധാന സവിശേഷതയാണ് വെടിക്കെട്ട്. അതുകൊണ്ടുതന്നെ വീടുകളില്‍ പടക്കങ്ങള്‍ വാങ്ങിക്കുന്നത് സാധാരണയാണ്. 

മദ്യപിച്ച് സ്വബോധം നഷ്ടപ്പെട്ട ഡെവിന്‍ ഒരു സൂത്രം കാട്ടിത്തരാം എന്നു പറഞ്ഞ് സുഹൃത്തുക്കളും സഹോദരനും നോക്കിയിരിക്കെയാണ് തന്റെ തലയില്‍ അമിട്ട് വച്ചു പൊട്ടിക്കുകയായിരുന്നു.
അമേരിക്കയില്‍ ഇതാദ്യസംഭവമാണ് ഒരാള്‍ പടക്കം പൊട്ടി മരിക്കുന്നത്.
Advertisement

Keywords: International News, Gulf News,  Kerala Vartha, Malabarflash, Malabar news, Malayalam News

ഇസ്ലാം വിഭാവനം ചെയ്യുന്നത് മാനവിക ഐക്യം; ഡോ. ബിലാല്‍ ഫിലിപ്‌സ്‌

ദോഹ: [www.malabarflash.com] മാനവിക ഐക്യമാണ് ഇസ്ലാം വിഭാവനം ചെയ്യുന്നതെന്ന് പ്രമുഖ ഇസ്ലാമിക ചിന്തകനും വാഗ്മിയുമായ ഡോ. ബിലാല്‍ ഫിലിപ്‌സ്. യുണിറ്റി ഖത്തര്‍ സംഘടിപ്പിച്ച ഇഫ്താര്‍ സംഘമം ഉദ്ഘാടനം ചെയ്യുകയായിരുന്നു അദ്ദേഹം. 

ഒരേ ദൈവത്തിലും ഗ്രന്ഥത്തിലും കര്‍മ്മങ്ങളിലും വിശ്വസിക്കുന്നവര്‍ക്കിടയില്‍ ഭിന്നതകള്‍ക്ക് സ്ഥാനമില്ലെന്നും അദ്ദേഹം പറഞ്ഞു. യൂണിറ്റി ഇഫ്താര്‍ സംഗമം ഇത്തരം കൂടിച്ചേരലുകള്‍ക്ക് കാരണമാകട്ടെയെന്നും അദ്ദേഹം ആശംസിച്ചു.
യൂണിറ്റി വൈസ് ചെയര്‍മാന്‍ ഡോ.എം.പി.ഷാഫി ഹാജി അദ്ധ്യക്ഷത വഹിച്ചു. യൂണിറ്റി ചീഫ് കോര്‍ഡിനേറ്റര്‍ ശംസുദ്ദീന്‍ ഒളകര സ്വാഗതം പറഞ്ഞു.

ഖുര്‍ആന്‍ മത്സരത്തിലെ വിജയികള്‍ക്കുള്ള സമ്മാനവിതരണം വിവിധ സംഘടനാ ഭാരവാഹികളായ അബ്ദുല്‍ നാസര്‍ നാച്ചി(കെ.എം.സി.സി) ഡോ.അബ്ദുല്‍ അഹമ്മദ് മദനി (ഖത്തര്‍ ഇന്ത്യന്‍ ഇസ്ലാഹി സെന്റര്‍), കെ.ടി.ഫൈസല്‍ സലഫി (ഖത്തര്‍ കേരള ഇസ്ലാഹി സെന്റര്‍), അബ്ദുല്‍ സമദ് ( ഖത്തര്‍ മുസ്ലിം ഇസ്ലാഹി സെന്റര്‍), ഹമദ് അബ്ദുല്‍ റഹ്മാന്‍ (സിജി), അബ്ദുല്‍ കരീം ഹാജി (ഐ.സി.എഫ്), കെ.സി.അബ്ദുല്‍ ലത്തീഫ് (ഐ.ഐ.എ), റഫീഖ് അഴിയൂര്‍ (ഐ.എം.സി.സി), അബൂബക്കര്‍ അല്‍ ഖാസിമി(കേരള ഇസ്ലാമിക് സെന്‍ര്‍), എം.പി.ഷഹീന്‍ ( എം.എസ്.എസ്), അഹമ്മദ് കടമേരി (ഫ്രറ്റേണിറ്റി) എന്നിവര്‍ നിര്‍വ്വഹിച്ചു. 

അബ്ദുല്‍ കരീം, എ.പി.ഖലീല്‍, മഷ്ഹൂദ് തിരുത്തിയാട് പരിപാടി നിയന്ത്രിച്ചു. ഇഫ്താര്‍ സ്വാഗത സംഘം ചെയര്‍മാന്‍ കെ.മുഹമ്മദ് ഈസ്സ നന്ദി പറഞ്ഞു.
പൊതു കാര്യങ്ങളില്‍ ഇസ്ലാമിക ഐക്യം ലക്ഷമിട്ട് വിവിധ മുസ്ലിം സംഘടനകളെ യോജിപ്പിച്ച് രൂപം കൊടുത്ത പൊതു വേദിയാണ് യൂണിറ്റി ഖത്തര്‍. ഒരു വര്‍ഷം മുമ്പാണ് സംഘടന രൂപം കൊണ്ടത്.
Advertisement

Keywords: Gulf News,  Kerala Vartha, Malabarflash, Malabar news, Malayalam News
 
Copyright © 2013. MALABAR FLASH - All Rights Reserved