കാ​ഞ്ഞ​ങ്ങാ​ട് ഉ​റ​ങ്ങി​ക്കി​ട​ന്ന വയോധികയുടെ വള കവർന്നു; ബഹളംവെച്ച കുട്ടിയുടെ കണ്ണിൽ മുളകുപൊടി വിതറി

കാ​ഞ്ഞ​ങ്ങാ​ട്: ഉ​റ​ങ്ങി​ക്കി​ട​ന്ന വ​യോ​ധി​ക​യു​ടെ ര​ണ്ടു പ​വന്റെ സ്വ​ര്‍ണ​വ​ള ഊ​രി​യെ​ടു​ത്തു. കൂ​ടെ ഉ​ണ്ടാ​യി​രു​ന്ന പേ​ര​മ​ക​ള്‍ ബ​ഹ​ളം വെ​ച്ച​പ്പോ​ള്‍ ക​ഴു​ത്തു​ഞെ​രി​ച്ചും ക​ണ്ണി​ല്‍ മു​ള​കു​പൊ​ടി വി​ത​റി​യും ആ​ക്ര​മി​ച്ച ശേ​ഷം മോ​ഷ്​​ടാ​വ് ര​ക്ഷ​പ്പെ​ട്ടു. അ​ജാ​നൂ​ര്‍ കൊ​ള​വ​യ​ലി​ലാണ് അ​ക്ര​മ​വും ക​വ​ര്‍ച്ച​യും നടന്നത്.[www.malabarflash.com]

കൊ​ള​വ​യ​ലി​ലെ പ​രേ​ത​നാ​യ ചേ​രി അ​ബൂ​ബ​കാറിന്റെ വീ​ട്ടി​ലാ​ണ് സം​ഭ​വം. ഇ​ദ്ദേ​ഹ​ത്തി‍െൻറ ഭാ​ര്യ ഫാ​ത്തി​മ​യു​ടെ (72) കൈ​യി​ലെ വ​ള​യാ​ണ് ഊ​രി​യെ​ടു​ത്ത​ത്. ഫാ​ത്തി​മ​യും പ്ല​സ് വ​ൺ വി​ദ്യാ​ര്‍ഥി​നി​യാ​യ പേ​ര​മ​ക​ള്‍ ലിം​സ​യും ഒ​രേ മു​റി​യി​ലാ​ണ് ഉ​റ​ങ്ങി​യ​ത്. വീടിന്റെ ര​ണ്ടാം നി​ല​യി​ലെ വാ​തി​ല്‍ വ​ഴി അ​ക​ത്തു​ക​ട​ന്ന അ​ക്ര​മി ഒ​രു കൈ​യി​ല്‍ ഗ്ലൗ​സ് ധ​രി​ച്ചി​രു​ന്നു. മ​റു​കൈ​യി​ല്‍ എ​ണ്ണ​യും തേ​ച്ചി​രു​ന്നു. 

അ​ടു​ക്ക​ള​യി​ലെ​ത്തി മു​ള​കു​പൊ​ടി​യെ​ടു​ത്ത ശേ​ഷ​മാ​ണ് ഫാ​ത്തി​മ​യു​ടെ കി​ട​പ്പു​മു​റി​യി​ല്‍ ക​യ​റി​യ​ത്. ഒ​രു കൈ​യി​ലെ വ​ള ഊ​രി​യെ​ടു​ക്കു​ന്ന​തു​വ​രെ ഇ​വ​ര്‍ അ​റി​ഞ്ഞി​ല്ല. ര​ണ്ടാ​മ​ത്തെ കൈ​യി​ലെ വ​ള ഊ​രി​യെ​ടു​ക്കു​ന്ന​തി​നി​ട​യി​ല്‍ ഫാ​ത്തി​മ ഞെ​ട്ടി​യു​ണ​ര്‍ന്ന് ബ​ഹ​ളം വെച്ചു. ഇ​തു​കേ​ട്ടു​ണ​ര്‍ന്ന ലിം​സ​യും ബ​ഹ​ളം ​വെച്ചു. ഇ​തോ​ടെ അ​ക്ര​മി ലിം​സ​യു​ടെ ക​ണ്ണി​ല്‍ മു​ള​കു​പൊ​ടി വി​ത​റു​ക​യും ക​ഴു​ത്തു​ഞെ​രി​ക്കു​ക​യും ചെ​യ്ത ശേ​ഷം ര​ക്ഷ​പ്പെ​ട്ടു. 

ബ​ഹ​ളം കേ​ട്ട്​ എ​ത്തി​യ പ​രി​സ​ര​വാ​സി​ക​ള്‍ തി​ര​ച്ചി​ല്‍ ന​ട​ത്തി​യെ​ങ്കി​ലും അ​ക്ര​മി​യെ ക​ണ്ടെ​ത്താ​ന്‍ ക​ഴി​ഞ്ഞി​ല്ല. 

ഡി​വൈ.​എ​സ്.​പി ഡോ. ​വി. ബാ​ല​കൃ​ഷ്ണ​ന്‍, ഇ​ന്‍സ്പെ​ക്ട​ര്‍ കെ.​പി. ഷൈ​ന്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ പോലീ​സെ​ത്തി അ​ന്വേ​ഷ​ണം ആ​രം​ഭി​ച്ചു.