ദോഹ ജ്വല്ലറി ആന്‍റ്​ വാച്ചസ്​ എക്സിബിഷന്​ തുടക്കമായി

ദോഹ: ഖത്തറിന്‍റെ മുറ്റത്തെ ആഭരണ, വാച്ച്​ പ്രദർശനത്തിന്​ കൊടിയേറി. ലോകത്തിന്‍റെ വിവിധ രാജ്യങ്ങളിൽ നിന്നായി 500ഓളം ബ്രാൻഡുകൾ പ​ങ്കെടുക്കുന്ന ദോഹ ജ്വല്ലറി ആന്‍റ്​ വാച്ചസ്​ എക്സിബിഷൻ ​പ്രധാനമന്ത്രിയും ആഭ്യന്തര മന്ത്രിയുമായ ശൈഖ്​ ഖാലിദ്​ ബിൻ ഖലീഫ ബിൻ അബ്​ദുൽ അസീസ്​ ആൽഥാനി ഉദ്​ഘാടനം ചെയ്തു.[www.malabarflash.com]

ദോഹ എക്സിബിഷൻ ആന്‍റ്​ കൺവെൻഷൻ സെന്‍ററിൽ ആരംഭിച്ച പ്രദർശനം മേയ്​ 14 വരെ നീണ്ടു നിൽക്കും.

തിങ്കളാഴ്ച രാവിലെ നടന്ന ഉദ്​ഘാടന ചടങ്ങിനു ശേഷം, പ്രധാനമന്ത്രി പ്രദർശന നഗരിയി​ലെ ഖത്തരി, രാജ്യാന്തര കമ്പനികളുടെ പവലിയനുകൾ സന്ദർശിച്ചു. ഖത്തരി ഡിസൈനർമാരുടെ പവലിയനുകളും അദ്ദേഹം സന്ദർശിച്ചു.

മന്ത്രിമാർ, ശൈഖുമാർ, വിവിധ രാജ്യങ്ങളുടെ നയതന്ത്ര പ്രതിനിധികൾ, മുതിർന്ന ഉദ്യോഗസ്ഥർ, വ്യാപാര-വ്യവസായ പ്രമുഖർ, കമ്പനി പ്രതിനിധികൾ എന്നിവർ പ​ങ്കെടുത്തു. പ്രദർശനത്തിന്‍റെ ആദ്യ ദിനത്തിൽ ബോളിവുഡ്​ താരം ആലിയ ഭട്ട്​ മുഖ്യാതിഥിയായി.