NEWS UPDATE

6/recent/ticker-posts

Header Ads Widget

ads header

വിവാഹം മുടക്കല്‍ പതിവായി; ജെ.സി.ബി. കൊണ്ട് അയല്‍ക്കാരന്റെ പലചരക്ക്‌ കട ഇടിച്ചുനിരത്തി, പൊളിച്ചത്​ നാടിന്​ ബാധ്യതയായ കെട്ടിടമെന്ന്​ യുവാവ്

ചെറുപുഴ: അയ്യപ്പനും കോശിയും സിനിമയിലെ രംഗങ്ങളെ അനുസ്​മരിപ്പിക്കുന്ന വിധത്തിൽ ജെ.സി.ബി ഉപയോഗിച്ച്​ പലചരക്കുകട പൊളിച്ച യുവാവിന്റെ  വിഡിയോ വൈറലായി. സാമൂഹ്യവിരുദ്ധ പ്രവർത്തനങ്ങളുടെ താവളമായ കെട്ടിടമാണ്​ താൻ പൊളിക്കുന്നതെന്നാണ്​ കണ്ണൂർ ചെറുപുഴ കൂമ്പൻകുന്നിലെ പ്ലാക്കുഴിയിൽ ആൽബിൻ (31) വിഡിയോയിലൂടെ വ്യക്​തമാക്കുന്നത്​. [www.malabarflash.com]

നാടിന് ബാധ്യതയായ കെട്ടിടം ഞാൻ ഇടിച്ചുനിരത്തുന്നു എന്ന് പറഞ്ഞ ശേഷമാണ് കെട്ടിടം ജെ.സി.ബി ഉപയോഗിച്ച്​ നിരപ്പാക്കിയത്. അയ്യപ്പനും കോശിയും എന്ന സിനിമയിൽ ഇതിന്​ സമാന രംഗമുണ്ട്​. 

'കഴിഞ്ഞ 30 വർഷമായി ഈ കെട്ടിടം സാമൂഹ്യവിരുദ്ധ പ്രവർത്തനങ്ങളുടെ താവളമാണ്. മദ്യപാനവും ലഹരി ഉപയോഗവും ഇവിടെ പതിവാണ്. മൂന്നുകൊലക്കേസ്, കഴിഞ്ഞ മാസം രണ്ട് പോക്സോ കേസ് എന്നിങ്ങനെ ഈ കടയുടമയുടെ പേരിൽ റിപ്പോർട്ട് ചെയ്തതാണ്. ഇതുവരെ പോലീസ് നടപടിയില്ല. അതുകൊണ്ട് ഈ സ്ഥാപനം ഞാൻ പൊളിച്ചു കളയുന്നു' എന്നാണ്​ ആൽബിൻ പറയുന്നത്​.

ഇയാളുടെ അയൽവാസികൂടിയായ പുളിയാർമറ്റത്തിൽ സോജിയുടെതാണ്​ പലചരക്ക് കടയും ചായക്കടയും പ്രവർത്തിക്കുന്ന കെട്ടിടം. കട തുറന്ന സോജി രാവിലെ 9 മണിയോടെ കടയടച്ചു വീട്ടിലേക്ക് പോയ സമയത്താണു സംഭവം. തനിക്കു വരുന്ന വിവാഹാലോചനകൾ മുടക്കിയ വൈരാഗ്യമാണു കട തകർക്കാൻ കാരണമെന്നു ആൽബിൻ പോലീസിനോട്​ പറഞ്ഞു. സംഭവത്തിന്​ ശേഷം ചെറുപുഴ പോലീസ്​ ​സ്​റ്റേഷനിൽ കീഴടങ്ങിയ ഇയാളെ കോടതിയിൽ ഹാജരാക്കി. തുടർന്ന്​14 ദിവ​സത്തേക്ക്​ റിമാൻഡ്​ ചെയ്​തു. 

എന്നാൽ, ആൽബിന്റെ  ആരോപണം വാസ്തവ വിരുദ്ധമാണെന്നു സോജി മാധ്യമങ്ങളോട്​ പറഞ്ഞു.

",

Post a Comment

0 Comments