Latest News

ഭക്ഷ്യവിഷബാധ; ചെമ്മീൻ ബിരിയാണി കഴിച്ച അധ്യാപിക മരിച്ചു

കൊല്ലം: കൊഞ്ചു ബിരിയാണി കഴിച്ച്​ അലർജി ബാധിച്ച അധ്യാപിക മരിച്ചു. മയ്യനാട്​ ഹയർസെക്കണ്ടറി സ്​കൂളിലെ യു.പി വിഭാഗം മലയാളം അധ്യാപിക പരവൂർ ​ സ്വദേശിനി ബിന്ദു(46) ആണ്​ മരിച്ചത്​.[www.malabarflash.com]

കഴിഞ്ഞ ദിവസം സ്​കൂളിലെ സഹപ്രവർത്തക കൊണ്ടുവന്ന കൊഞ്ചു ബിരിയാണിയാണ്​ ബിന്ദു കഴിച്ചത്​. അലർജി ഉണ്ടാകുന്നതിനാൽ കൊഞ്ച്​ ഒഴിവാക്കിയാണ്​ ബിരിയാണി കഴിച്ചത്​. എന്നാൽ ആഹാരം കഴിച്ചതിന്​ പിന്നാലെ അധ്യാപികയുടെ ശരീരം മുഴുവൻ ചൊറിഞ്ഞ്​ തടിക്കുകയും ശ്വാസതടസം നേരിടുകയും ചെയ്​തു.

ഉടൻതന്നെ കൊട്ടിയത്തെ സ്വകാര്യ ആശുപത്രിയിൽ എത്തിച്ചെങ്കിലും വ്യാഴാഴ്​ച പുലർച്ചെ മരിച്ചു. മൃതദേഹം  മയ്യനാട്​ ഹയർസെക്കണ്ടറി സ്​കൂളിൽ എത്തിച്ച്​ പൊതുദർശനത്തിന്​ വെച്ചു.
 ബിനോയ്​ ബാലകൃഷ്​ണൻ ആണ്​ ഭർത്താവ്​. ഹയർസെക്കണ്ടി വിദ്യാർഥിനി ബിന്ദ്യ മകളാണ്​.

No comments:

Post a Comment

Copyright © 2019 MALABAR FLASH | Design & Maintained by KSDM

Powered by Blogger.