• Latest News

    Wednesday, October 3, 2018

    എസ് എസ് എഫ് സിഗ്നിഫയര്‍; മഅദിന്‍ ജേതാക്കള്‍
    Wednesday, October 3, 2018
    5:08:00 AM

    കാസറകോട്:  മഴവില്‍ ക്ലബ്ബുകളിലെ വിദ്യാര്‍ത്ഥികള്‍ക്ക് വേണ്ടി എസ് എസ് എഫ് സംസ്ഥാന കമ്മിറ്റി ഇദംപ്രദമമായി സംഘടിപ്പിച്ച പ്രവര്‍ത്തി പരിചയ മേള സിഗ്നിഫെയറില്‍ മലപ്പുറം മഅദിന്‍ പബ്ലിക്ക് സ്‌കൂള്‍ ജേതാക്കളായി.[www.malabarflash.com] 

    ദേളി സഅദിയ്യ നൂറുല്‍ ഉലമാ സ്‌ക്വയറില്‍ സംഘടിപ്പിച്ച പരിപാടിയില്‍ ഖുതുബുസ്സമാന്‍ ഇംഗ്ലീഷ് സകൂള്‍ രണ്ടാം സ്ഥാനവും, പാലക്കാട് പടിഞ്ഞാറങ്ങാടി സ്വലാഹുദ്ദീന്‍ അയ്യൂബി ഇംഗ്ലീഷ് സ്‌കൂള്‍ മൂന്നാം സ്ഥാനവും കരസ്ഥമാക്കി. 

    വിദ്യാര്‍ഥികളിൽ  സാമൂഹ്യ പ്രതിബദ്ധതയുണ്ടാക്കാനും കൈത്തൊഴില്‍ അഭ്യസിപ്പിക്കാന്‍ പ്രചോദനം നല്‍കാനുമാണ് വേലയില്‍ വിളയുന്ന വിദ്യാഭ്യാസം എന്ന ആശയത്തിന്റെ പ്രചാരകന്‍ മഹാത്മഗാന്ധിയുടെ ജന്മ ദിനത്തില്‍ എസ് എസ് എഫ് ഈ പരിപാടി സംഘടിപ്പിച്ചത്. 

    ബുക്ക് ബൈന്റിംഗ്, പേപര്‍ ക്രാഫ്റ്റ്, വേസ്റ്റ് മെറ്റീരിയല്‍ ക്രാഫ്റ്റ്, തുടങ്ങി 22 ഇനങ്ങളിലാണ് ഹൈസ്‌കൂള്‍, പ്രൈമറി കാറ്റഗറിയിലായി മത്സരം സംഘടിപ്പിച്ചത്.
    സിഗ്നിഫയറിന് മുന്നോടിയായി നൂറുല്‍ ഉലമ എം എ ഉസ്താദിന്റെ മഖാം സിയാറത്തിന് സയ്യിദ് ഇസ്മാഈല്‍ ഹാദി തങ്ങള്‍ പാനൂര്‍ നേതൃത്വം നല്‍കി. സ്വാഗത സംഘം ചെയര്‍മാന്‍ ഹകീം ഹാജി കളനാട് പതാക ഉയര്‍ത്തി. ഉദുമ എം എല്‍ എ കെ.കുഞ്ഞിരാമന്‍ ഉദ്ഘാടനം ചെയ്തു. 

    ജേതാക്കള്‍ക്ക് എസ് എസ് എഫ് സംസ്ഥാന പ്രസിഡന്റ് ഡോ മുഹമ്മദ് ഫാറൂഖ് നഈമി അല്‍ ബുഖാരി, പള്ളങ്കോട് അബ്ദുല്‍ ഖാദിര്‍ മദനി, കെ അബ്ദുല്‍ റശീദ് നരിക്കോട് അവാര്‍ഡുകള്‍ സമ്മാനിച്ചു. അബ്ദുല്‍ ഹമീദ് മൗലവി ആലംപാടി, കെ പി ഹുസൈന്‍ സഅദി കെ സി റോഡ്, സൈദലവി ഖാസിമി, അബ്ദുല്‍ ഗഫാര്‍ സഅദി രണ്ടത്താണി, അബ്ദുല്‍ കരീം സഅദി ഏണിയാടി, അബ്ദുല്‍ ലതീഫ് സഅദി കൊട്ടില, പാറള്ളി ഇസ്മാഈല്‍ സഅദി, സി കെ റാശിദ് ബുഖാരി, സ്വലാഹുദ്ധീന്‍ അയ്യൂബി സംസാരിച്ചു. എ പി മുഹമ്മദ് അശ്ഹര്‍ സ്വാഗതവും ജാഫര്‍ സാദിഖ് എന്‍ നന്ദിയും പറഞ്ഞു.
    • Comments
    • Facebook Comments

    0 comments:

    Post a Comment

    Item Reviewed: എസ് എസ് എഫ് സിഗ്നിഫയര്‍; മഅദിന്‍ ജേതാക്കള്‍ Rating: 5 Reviewed By: UMRAS vision
    Scroll to Top