• Latest News

    Monday, September 3, 2018

    ഹിന്ദുനേതാക്ക​ളെ വധിക്കാൻ ഗൂഢാലോചന: അഞ്ചുപേർ അറസ്​റ്റിൽ
    Monday, September 3, 2018
    2:29:00 PM

    കോയമ്പത്തൂർ: തമിഴ്​നാട്ടിലെ ഹിന്ദു മക്കൾ കക്ഷി നേതാക്കളെ വധിക്കാൻ ഗൂഢാലോചന നടത്തിയെന്ന്​ ആരോപിച്ച്​ അഞ്ചുപേരെ യു.എ.പി.എ ചുമത്തി അറസ്​റ്റ്​ ചെയ്​തു. വർഗീയ കലാപം ലക്ഷ്യമിട്ട്​ ഹിന്ദു നേതാക്കളെ കൊലപ്പെടുത്താൻ ​ ഗൂഢാലോചന നടത്തിയെന്നാണ്​ പോലീസ്​ പറയുന്നത്​.[www.malabarflash.com]

    ഹിന്ദു മക്കൾ കക്ഷി സ്ഥാപക നേതാവായ​ അർജുൻ സമ്പത്ത്​, ശക്തി സേനാ നേതാവ്​ അൻപു മാരി എന്നിവരെ വധിക്കാനാണ്​ ഗൂഢാലോചന നടത്തിയത്​.
    രഹസ്യാന്വേഷണ വിഭാഗത്തി​ന്റെ  വിവരത്തെ തുടർന്ന്​ സിറ്റി പോലീസാണ്​​ അറസ്​റ്റ് ചെയ്​തത്​. ​

    കോയമ്പത്തൂർ തിരുമല സ്വദേശി ആർ. ആഷിക് (25), വില്ലുപുരം സ്വദേശി എസ്​.ഇസ്​മെയിൽ (25), പല്ലാവാരം സ്വദേശി എസ്​. ഷംസുദ്ദീൻ( 20), എസ്​. സലാഹുദ്ദീൻ(25), ചെന്നൈ സ്വദേശി ജാഫർ സിദ്ദിഖ്​ അലി(29)എന്നിവരാണ്​ അറസ്​റ്റിലായത്​. ജയിലിൽ നിന്ന്​ പരോളിലെത്തിയ സംഘം ഒരു വിവാഹ ചടങ്ങിൽ പങ്കെടുക്കുന്നതിനിടെയാണ്​ പോലീസ്​ പിടികൂടിയത്​.

    ഇസ്​ലാമിക്​ സ്​റ്റേറ്റുമായി ബന്ധം ആരോപിച്ചാണ്​ ഇവരെ നേരത്തെ ശിക്ഷിച്ചത്​. ഐ.എസുമായി ബന്ധപ്പെട്ട വിവരങ്ങൾ ഫേസ്​ബുക്ക്​ പേജിലൂടെ പങ്കുവെക്കുകയും വിവരങ്ങൾ കൈമാറുന്നതിന്​ രഹസ്യ വാട്ട്​സ്​ ആപ്പ്​ ഗ്രൂപ്പ്​ കൈകാര്യം ചെയ്യുകയും ചെയ്​തിരുന്നു. 

    ഇസ്​ലാമിനെ അധിക്ഷേപിക്കുന്ന രീതിയിൽ സംസാരിക്കുകയും സാമൂഹ്യ മാധ്യമങ്ങളിലൂടെ പ്രചരിപ്പിക്കുകയും ചെയ്യുന്ന അർജുൻ സമ്പത്തിനെയും അൻപു മാരിയേയും വധിക്കാൻ ഇവർ പദ്ധതിയിടുകയും സലാഹുദ്ദീനെ കോയമ്പത്തൂരിലേക്ക്​ വിളിച്ചു വരുത്തുകയുമായിരുന്നുവെന്ന്​ പോലീസ്​ പറയുന്നു.
    • Comments
    • Facebook Comments

    0 comments:

    Post a Comment

    Item Reviewed: ഹിന്ദുനേതാക്ക​ളെ വധിക്കാൻ ഗൂഢാലോചന: അഞ്ചുപേർ അറസ്​റ്റിൽ Rating: 5 Reviewed By: editordesk Malabarflash
    Scroll to Top