• Latest News

    Friday, August 24, 2018

    മുഖ്യമന്ത്രിയുടെ ദുരിതാശ്വാസ നിധിയിലേക്ക് വ്യാജപിരിവ്; മൂന്നുപേർ അറസ്​റ്റിൽ
    Friday, August 24, 2018
    12:09:00 AM

    കണ്ണൂർ: മുഖ്യമന്ത്രിയുടെ ദുരിതാശ്വാസനിധിയിലേക്കെന്ന വ്യാജേന ബക്കറ്റ് പിരിവ് നടത്തിയ സംഭവത്തിൽ മോഷണക്കേസ്​ പ്രതി ഉൾെപ്പടെ മൂന്നംഗസംഘം പിടിയിൽ.[www.malabarflash.com]

    പെരളശ്ശേരി മൂന്നുപെരിയയിലെ കൃഷ്ണ നിവാസിൽ റിഷാബ് (27), അലവിൽ അഷിയാന വീട്ടിൽ സഫ്​വാൻ (26), കക്കാട് കുഞ്ഞിപ്പള്ളി സുബൈദ മൻസിലിൽ മുഹമ്മദ് ഇർഫാൻ (23) എന്നിവരെയാണ് ടൗൺ എസ്​.ഐ ശ്രീജിത്ത്​ കോടേരിയും സംഘവും അറസ്​റ്റ്​ചെയ്​തത്​. കോടതിയിൽ ഹാജരാക്കിയ പ്രതികളെ  കണ്ണൂർ ജുഡീഷ്യൽ ഫസ്​റ്റ്​ക്ലാസ്​ മജിസ്​ട്രേറ്റ്​ റിമാൻഡ്​ചെയ്​തു.

    ബുധനാഴ്​ച രാത്രി 8.30ഒാടെ കണ്ണൂർ പോലീസ്​ മൈതാനിയിലാണ്​ സംഘം പിടിയിലായത്​. ഇവിടെ നടക്കുന്ന ഓണം ഫെയറിൽ ബക്രീദ് ദിനമായതിനാൽ നല്ല തിരക്കായിരുന്നു. മൈതാനത്തിന്റെ കവാടത്തിൽ ദുരിതാശ്വാസനിധിയിലേക്ക് ഉദാരമായി സംഭാവനചെയ്യുക എന്ന് പേപ്പറിൽ എഴുതിയൊട്ടിച്ച രണ്ട്​ ബക്കറ്റുമായി മൂവർസംഘം പിരിവ് നടത്തുകയായിരുന്നു.
    രഹസ്യവിവരത്തിന്റെ അടിസ്​ഥാനത്തിൽ ടൗൺ എസ്.​ഐയും സംഘവും സ്​ഥലത്തെത്തി. പോലീസിനെ കണ്ടപാടെ ഓടിരക്ഷപ്പെടാൻ ശ്രമിച്ച ഇവരെ പിടികൂടി ചോദ്യംചെയ്തപ്പോഴാണ് തട്ടിപ്പ്​ പുറത്തായത്. ബക്കറ്റിൽനിന്ന് 3540 രൂപ കണ്ടെടുത്തു.

    പത്തോളം പിടിച്ചുപറി, മോഷണക്കേസുകളിൽ പ്രതിയാണ്​ റിഷാബ്. കഞ്ചാവ് കേസ്​ ഉൾെപ്പടെ നിരവധി കേസുകളിൽ സഫ്​വാൻ പ്രതിയാണ്​. സമാനരീതിയിൽ പലരും ഇത്തരം ബക്കറ്റ്പിരിവ് നടത്തുന്നതായി രഹസ്യാന്വേഷണവിഭാഗം റിപ്പോർട്ട് ചെയ്തിട്ടുണ്ട്​. ഇത്തരക്കാർക്കെതിരെ കർശന നടപടിയെടുക്കുമെന്നും പൊതുജനങ്ങൾ ജാഗ്രത പാലിക്കണമെന്നും ജില്ല പോലീസ്​ മേധാവി അറിയിച്ചു. 
    • Comments
    • Facebook Comments

    0 comments:

    Post a Comment

    Item Reviewed: മുഖ്യമന്ത്രിയുടെ ദുരിതാശ്വാസ നിധിയിലേക്ക് വ്യാജപിരിവ്; മൂന്നുപേർ അറസ്​റ്റിൽ Rating: 5 Reviewed By: editordesk Malabarflash
    Scroll to Top