• Latest News

    Wednesday, August 15, 2018

    സംസ്ഥാനത്ത് വിദ്യാഭ്യാസ സ്ഥാപനങ്ങൾക്കു വ്യാഴാഴ്ച അവധി, പരീക്ഷകൾ മാറ്റി
    Wednesday, August 15, 2018
    10:46:00 PM

    കോഴിക്കോട്: കനത്ത മഴയെത്തുടർന്ന് കേരളത്തിലെ 14 ജില്ലകളിലും പ്രഫഷനൽ കോളജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് 16ന് അവധി പ്രഖ്യാപിച്ചു. അംഗണവാടികള്‍ക്കും വ്യാഴാഴ്ച ജില്ലാ കലക്ടര്‍മാർ അവധി പ്രഖ്യാപിച്ചിട്ടുണ്ട്. എറണാകുളം ജില്ലയിൽ വെള്ളിയാഴ്ചയും അവധിയാണ്.[www.malabarflash.com]

    കുസാറ്റ് വ്യാഴം, വെള്ളി, ശനി ദിവസങ്ങളിലെ പരീക്ഷകൾ മാറ്റിവച്ചു. കണ്ണൂർ സർവകലാശാല വ്യാഴാഴ്ചത്തെ പരീക്ഷകൾ മാറ്റിവച്ചു. കാലിക്കറ്റ്‌ സർവകലാശാല പഠനവകുപ്പുകളിൽ വ്യാഴാഴ്ച നടക്കേണ്ട എല്ലാ പിജി പരീക്ഷകളും മാറ്റി. ആരോഗ്യസർവകലാശാല വ്യാഴാഴ്ചയും വെള്ളിയാഴ്ചയും നടത്താനിരുന്ന പരീക്ഷകൾ മാറ്റിവച്ചു. പുതുക്കിയ തീയതി പിന്നീട്.

    എംജി സർവകലാശാലയുടെ കീഴിലുള്ള അഫിലിയേറ്റഡ് കോളജുകളിൽ വ്യാഴാഴ്ച നടത്താനിരുന്ന കോളേജ് യുണിയൻ വോട്ടെടുപ്പും വോട്ടെണ്ണെലും മാറ്റി വച്ചു. പുതുക്കിയ തീയതി പിന്നീടു അറിയിക്കും.
    • Comments
    • Facebook Comments

    0 comments:

    Post a Comment

    Item Reviewed: സംസ്ഥാനത്ത് വിദ്യാഭ്യാസ സ്ഥാപനങ്ങൾക്കു വ്യാഴാഴ്ച അവധി, പരീക്ഷകൾ മാറ്റി Rating: 5 Reviewed By: UMRAS vision
    Scroll to Top