• Latest News

    Friday, May 11, 2018

    വാട്സ്​ ആപ്പ് പ്രണയം: ട്രെയിനിൽ നിന്ന്​ മുങ്ങിയ പെൺകുട്ടി പോലീസിനെ വലച്ചു
    Friday, May 11, 2018
    10:11:00 AM

    ചെറുതുരുത്തി: വാട്സ്​ ആപ്പ് പ്രണയം മൂത്ത്​ ട്രെയിനിൽനിന്ന്​ മുങ്ങിയ പെൺകുട്ടി പോലീസിനെയും നാട്ടുകാരെയും വലച്ചു. എറണാകുളം സ്വദേശിയായ കാമുകനെ തേടി രണ്ട് ദിവസം മുമ്പ് കോയമ്പത്തൂരിൽ നിന്ന് കൊച്ചിയിലെത്തിയ 15 കാരിയാണ്​ വ്യാഴാഴ്​ച ചെറുതുരുത്തിയിൽ ട്രെയിൻ നിർത്തിയപ്പോൾ മുങ്ങിയത്​.[www.malabarflash.com]

    കഴിഞ്ഞ മാസം അമ്മയോടൊപ്പം എറണാകുളത്തെത്തിയപ്പോഴാണ് 15 കാരി യുവാവിനെ പരിചയപ്പെടുന്നത്. ഇടതടവില്ലാതെ വാട്സ്​ ആപ്പ് ചാറ്റിങ് തുടങ്ങുകയും ചെയ്തു. ഒടുവിൽ വീടും നാടും ഉപേക്ഷിച്ച്  കഴിഞ്ഞ ദിവസം എറണാകുളത്തെ യുവാവി​ന്റെ വീട്ടിലെത്തി.

    കളി കൈവിട്ടത്​ മനസ്സിലായ യുവാവ് കോയമ്പത്തൂരിലെ വീട്ടുകാരെ വിവരമറിയിച്ചു.  അമ്മയും ബന്ധുക്കളും എറണാകുളത്തെത്തി കുട്ടിയുമായി മടങ്ങുന്നതിനിടെയാണ്​ സംഭവം. ആലപ്പി - ബൊക്കാറോ ട്രെയിൻ പൈങ്കുളം ഗേറ്റിൽ സിഗ്​നൽ കിട്ടാതെ നിർത്തിയപ്പോൾ ബന്ധുക്കളുടെ കണ്ണ് വെട്ടിച്ച് ഇറങ്ങി ഒാടുകയായിരുന്നു.

    മയക്കത്തിലായിരുന്ന ബന്ധുക്കൾ ഷൊർണൂരിലെത്തിയപ്പോഴാണ്  മുങ്ങിയത്​ അറിഞ്ഞത്‌. ഉടൻ  തിരച്ചിൽ നടത്തുകയും ചെറുതുരുത്തി പോലീസിൽ വിവരമറിയിക്കുകയും ചെയ്തു.

    പോലീസും നാട്ടുകാരും തിരച്ചിൽ നടത്തിയെങ്കിലും കിട്ടിയില്ല. തുടർന്ന് സൈബർ സെല്ലി​ന്റെ സഹായത്തോടെ മൊബൈൽ സിഗ്​നൽ കേന്ദ്രീകരിച്ച് അന്വേഷിക്കുന്നതിനിടയിലാണ് ചെറുതുരുത്തിയിലെ ഒരു വീട്ടിൽ ഒളിച്ചിരുന്ന കുട്ടിയെ കണ്ടെത്തിയത്‌. തുടർന്ന് വടക്കാഞ്ചേരി കോടതിയിൽ ഹാജരാക്കി ബന്ധുക്കളോടൊപ്പം വിട്ടു.
    • Comments
    • Facebook Comments

    0 comments:

    Post a Comment

    Item Reviewed: വാട്സ്​ ആപ്പ് പ്രണയം: ട്രെയിനിൽ നിന്ന്​ മുങ്ങിയ പെൺകുട്ടി പോലീസിനെ വലച്ചു Rating: 5 Reviewed By: UMRAS vision
    Scroll to Top