• Latest News

    Wednesday, May 2, 2018

    പോലീസുകാരനെ അക്രമിച്ച് രക്ഷപ്പെട്ട നിരവധി കേസുകളിലെ പ്രതി അറസ്റ്റില്‍
    Wednesday, May 2, 2018
    4:22:00 PM

    ഉദുമ: ബേക്കല്‍ എസ്‌ഐ ഉമേഷിനെയും സംഘത്തെയും അക്രമിച്ച് രക്ഷപ്പെട്ട ബലാത്സംഗം, മോഷണം ഉള്‍പ്പെടെ നിരവധി കേസുകളിലെ പ്രതിയെ ബേക്കല്‍ എസ്പി വിശ്വനാഥന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു.[www.malabarflash.com]

    മാങ്ങാട് കൂളിക്കുന്നിലെ കുഞ്ഞാലിയുടെ മകന്‍ മുഹമ്മദ് ദില്‍ഷാദി(34)നെയാണ് കുണിയയിലെ ഒരു ക്വാര്‍ട്ടേഴ്‌സില്‍ ഒളിവില്‍ കഴിയവെ അറസ്റ്റ് ചെയ്തത്.
    നിരവധി കേസുകളില്‍ പ്രതിയായി പിടികിട്ടാപ്പുള്ളിയായി പ്രഖ്യാപിച്ച മുഹമ്മദ് ദില്‍ഷാദ് ഏപ്രില്‍ 2ന് വീട്ടിലെത്തിയിട്ടുണ്ടെന്ന് രഹസ്യ വിവരം ലഭിച്ചതിന്റെ അടിസ്ഥാനത്തില്‍ രാത്രി എട്ടരയോടെ ബേക്കല്‍ എസ്‌ഐ കെ വി ഉമേശനും സംഘവും ഇയാളുടെ വീട് വളഞ്ഞപ്പോള്‍ വാതില്‍ തുറന്ന് പുറത്തിറങ്ങിയ ദില്‍ഷാദ് പോലീസുകാരെ അക്രമിച്ച് രക്ഷപ്പെടുകയായിരുന്നു.
    ഇയാളെ പിടികൂടാനുള്ള ശ്രമത്തിനിടയില്‍ പോലീസ് ഡ്രൈവര്‍ സുരേഷിനെ ഇയാള്‍ തലക്ക് കല്ലുകൊണ്ടിടിച്ച് പരിക്കേല്‍പ്പിച്ച ശേഷമാണ് രക്ഷപ്പെട്ടത്. ഇതിനു ശേഷം ഇയാള്‍ക്കായി പോലീസ് തിരച്ചില്‍ നടത്തിവരുന്നതിനിടയിലാണ് ചൊവ്വാഴ്ച ഇയാള്‍ കുണിയയിലെ ക്വാര്‍ട്ടേഴ്‌സിലുണ്ടെന്ന് ബേക്കല്‍ പോലീസ് പിആര്‍ഒ എഎസ്‌ഐ മനോജിന് രഹസ്യവിവരം ലഭിച്ചത്.
    എഎസ്പിക്ക് പുറമെ എസ്‌ഐമാരായ ഉമേശന്‍, മധുസൂദനന്‍, എഎസ്‌ഐ മനോജ്, സ്‌പെഷല്‍ സിവില്‍ പോലീസ് ഓഫീസര്‍ സുഭാഷ്, സിവില്‍ പോലീസ് ഓഫീസര്‍ പ്രകാശന്‍, ഇല്‍സാദ് എന്നിവരുടെ നേതൃത്വത്തിലുള്ള സംഘമാണ് ദില്‍ഷാദിനെ അറസ്റ്റ് ചെയ്തത്.
    2009ല്‍ മാങ്ങാട്ട് ഒരു യുവതിയെ ബലാത്സംഗം ചെയ്ത കേസിലും 2010ല്‍ നടത്തിയ രണ്ട് കവര്‍ച്ചാകേസുകളിലും പ്രതിയാണ് ദില്‍ഷാദ്.ഹൊസ്ദുര്‍ഗ് കോടതിയില്‍ ഹാജരാക്കിയ ഇയാളെ രണ്ടാഴ്ചത്തേക്ക് റിമാന്റ് ചെയ്തു.
    • Comments
    • Facebook Comments

    0 comments:

    Post a Comment

    Item Reviewed: പോലീസുകാരനെ അക്രമിച്ച് രക്ഷപ്പെട്ട നിരവധി കേസുകളിലെ പ്രതി അറസ്റ്റില്‍ Rating: 5 Reviewed By: editordesk Malabarflash
    Scroll to Top