• Latest News

    Sunday, April 29, 2018

    മലപ്പുറം സ്വദേശിയെ ബാംഗ്ലൂരില്‍ വെച്ച് കാണാതായതായി പരാതി
    Sunday, April 29, 2018
    3:15:00 AM

    പൊന്നാനി: മലപ്പുറം ചങ്ങരംകുളത്തിന് സമീപം കാളാച്ചാല്‍ കൊടക്കാട്ട്കുന്ന് സ്വദേശി മുഹമ്മദ് ഷാഫി (35)യെ ബാംഗ്ലൂരില്‍ വെച്ച് കാണാതായതായി പരാതി.[www.malabarflash.com]

    ഏപ്രില്‍ 5 മുതലാണ് ഇയാളെ കാണാതായത്. ഗള്‍ഫിലെ ജോലി മതിയാക്കി ബാംഗ്ലൂരില്‍ പുതിയ ബിസിനസ് തുടങ്ങാന്‍ സുഹൃത്തുക്കളുമൊന്നിച്ച് പോയതായിരുന്നു മുഹമ്മദ് ഷാഫി. എന്നാല്‍ പ്രതീക്ഷിച്ച രീതിയില്‍ ഫണ്ട് കണ്ടെത്താന്‍ കഴിഞ്ഞിരുന്നില്ല. ഇതിനെച്ചൊല്ലി ഏറെ വിഷമത്തിലായിരുന്നു യുവാവ്. 

    ഇതിനിടയിലാണ് ബാംഗ്ലൂരിലെ താമസസ്ഥലത്തുനിന്നും ബാഗുമായി മുഹമ്മദ് ഷാഫിയെ കാണാതായത്. ഫോണ്‍ സ്വിച്ച് ഓഫ് ചെയ്ത നിലയിലാണ്.തിരിച്ചുവരുമെന്ന പ്രതീക്ഷയിലായിരുന്നു കുടുംബാംഗങ്ങള്‍ ഇതുവരെ. 

    വെളളിയാഴ്ചയാണ്‌ യുവാവിനെ കാണാനില്ലെന്ന് കാണിച്ച് ബന്ധുക്കള്‍ ചങ്ങരംകുളം പോലീസില്‍ പരാതിനല്‍കിയത്.ബാംഗ്ലൂരിലുള്ള സുഹൃത്തുക്കള്‍ വഴിയും യുവാവിനെ കണ്ടെത്താന്‍ ശ്രമം തുടങ്ങിയിട്ടുണ്ട്. 

    കണ്ടുകിട്ടുന്നവര്‍ ചങ്ങരംകുളം പോലീസിന്റെ 0494 2650437 എന്ന നമ്പറിലോ ബന്ധുക്കളുടെ 7907752350, 9633429636, 9633439207 എന്ന നമ്പറിലോ അറിയിക്കണമെന്ന് ചങ്ങരംകുളം പോലിസ് അറിയിച്ചു.
    • Comments
    • Facebook Comments

    0 comments:

    Post a Comment

    Item Reviewed: മലപ്പുറം സ്വദേശിയെ ബാംഗ്ലൂരില്‍ വെച്ച് കാണാതായതായി പരാതി Rating: 5 Reviewed By: editordesk Malabarflash
    Scroll to Top