• Latest News

    Saturday, November 25, 2017

    വിവാഹദിനം തന്നെ സ്ത്രീധനമായി കാര്‍ ചോദിച്ചു; വധു മടങ്ങി, ഭര്‍ത്താവ് അറസ്റ്റില്‍
    Saturday, November 25, 2017
    2:45:00 AM

    തിരുവനന്തപുരം: വിവാഹദിവസം തന്നെ വധുവിനോട്, സ്ത്രീധനമായി പറഞ്ഞിരുന്ന കാർ വരന്റെ വീട്ടുകാർ ആവശ്യപ്പെട്ടു; വധു സ്വന്തം വീട്ടിലേക്കു മടങ്ങി. വരൻ കൊയ്ത്തൂർക്കോണം മണ്ണറയിൽ പ്രണവിനെ (30) പോത്തൻകോട് പോലീസ് അറസ്റ്റ് ചെയ്തു. കൊല്ലം പരവൂർ സ്വദേശിനിയായ പെൺകുട്ടിയുമായിട്ടായിരുന്നു പ്രണവിന്റെ വിവാഹം.[www.malabarflash.com] 

    വിവാഹശേഷം വീട്ടിലെത്തിയ ഉടനെ കാർ ആവശ്യപ്പെടുകയായിരുന്നു. കാർ തന്റെ വീട്ടിലുണ്ടെന്നും ഭർത്താവിന്റെ വീട്ടിൽ കാർ ഇടാൻ സൗകര്യമില്ലാത്തതിനാലാണു കൊണ്ടു വരാത്തതെന്നും പെൺകുട്ടി പറഞ്ഞു. എങ്കിൽ കാറിന്റെ താക്കോൽ വേണമെന്നായി വീട്ടുകാർ. വൈകിട്ട് വീടുകാണൽ ചടങ്ങിനു ബന്ധുക്കൾ എത്തിയപ്പോൾ പെൺകുട്ടി വിവരം ധരിപ്പിച്ചു.

    ഇതോടെ ഇരുകൂട്ടരും തമ്മിൽ ബഹളമായി. ബന്ധുക്കളോടൊപ്പം വധു മടങ്ങി. പോലീസിൽ ബന്ധുക്കൾ പരാതി നൽകിയതിനെ തുടർന്നു പ്രണവിനെ അറസ്റ്റ് ചെയ്യുകയായിരുന്നു. വരന്റെ സഹോദരനും പിതാവിനുമെതിരെയും കേസെടുത്തിട്ടുണ്ട്. സ്ത്രീധന നിരോധന നിയമപ്രകാരമാണു കേസ് എന്നു സിഐ എസ്.ഷാജി പറഞ്ഞു.
    • Comments
    • Facebook Comments

    0 comments:

    Post a Comment

    Item Reviewed: വിവാഹദിനം തന്നെ സ്ത്രീധനമായി കാര്‍ ചോദിച്ചു; വധു മടങ്ങി, ഭര്‍ത്താവ് അറസ്റ്റില്‍ Rating: 5 Reviewed By: ന്യൂസ് ഡ­സ്‌ക്‌
    Scroll to Top