• Latest News

    Friday, October 13, 2017

    മാന്‍കൊമ്പും ആമകളെയും കടത്താൻ ശ്രമം; നാലംഗ സംഘം അറസ്റ്റിൽ
    Friday, October 13, 2017
    7:00:00 PM

    കാസർകോട്​: മാന്‍കൊമ്പുകളും സംരക്ഷിത ഇനത്തില്‍പെട്ട ആമകളുമായി നാലംഗ സംഘത്തെ കാസര്‍കോട് വനം വകുപ്പ്​ ഉദ്യോഗസ്ഥര്‍ അറസ്റ്റു ചെയ്തു.[www.malabarflash.com] 

    മൊഗ്രാലിലെ മുഹമ്മദ് അബ്ദുല്ല മൊയ്തീന്‍ (46), മൊഗ്രാല്‍പുത്തൂരിലെ വി. ഇമാം അലി (49), മായിപ്പാടിയിലെ കരീം (40), മൊഗ്രാല്‍ കൊപ്ര ബസാറിലെ ബി.എം. ഖാസിം (55) എന്നിവരെയാണ് അറസ്റ്റു ചെയ്തത്.

    മൂന്നു​ മാൻകൊമ്പുകളും 11 കരയാമകളെയുമാണ്​ ഇവരിൽ നിന്ന്​ പിടിച്ചെടുത്തത്​. അന്താരാഷ്ട്ര വിപണിയിൽ കോടികള്‍ വില വരുന്നവയാണിത്. വെള്ളിയാഴ്ച ഉച്ചയോടെ കുമ്പളക്കടുത്ത്​ പേരാല്‍ കണ്ണൂരില്‍ നിന്നാണ്​ രണ്ട് ആള്‍ട്ടോ കാറുകളിലായി കലമാന്‍ കൊമ്പുകളും ആമകളുമായി സഞ്ചരിച്ച പ്രതികളെ പിടികൂടിയത്.

    ഇവ മുംബൈയിലേക്ക്​ കടത്താനുള്ള നീക്കത്തിലായിരുനു സംഘം. ഇവര്‍ സഞ്ചരിച്ച കാറുകളും കസ്റ്റഡിയിലെടുത്തു. ഡി.എഫ്.ഒ എം. രാജീവന്‍, കാസര്‍കോട് ഫോറസ്റ്റ് റേഞ്ച് ഓഫീസര്‍ എന്‍. അനില്‍ കുമാര്‍ എന്നിവരുടെ നേതൃത്വത്തിലായിരുന്നു അറസ്റ്റ്.
    • Comments
    • Facebook Comments

    0 comments:

    Post a Comment

    Item Reviewed: മാന്‍കൊമ്പും ആമകളെയും കടത്താൻ ശ്രമം; നാലംഗ സംഘം അറസ്റ്റിൽ Rating: 5 Reviewed By: ന്യൂസ് ഡ­സ്‌ക്‌
    Scroll to Top