• Latest News

    Tuesday, September 26, 2017

    മിശ്രവിവാഹം ചെയ്തതിന്റെ പേരില്‍ യുവതിക്ക് പീഡനം; ഒരാള്‍ അറസ്റ്റില്‍ യോഗാ കേന്ദ്രം അടച്ചുപൂട്ടി
    Tuesday, September 26, 2017
    1:28:00 AM

    കൊച്ചി: മിശ്രവിവാഹം ചെയ്തതിന്റെ പേരില്‍ യുവതിക്ക് പീഡനമേറ്റ സംഭവത്തില്‍ ഉദയംപേരൂര്‍ കണ്ടനാട് പ്രവര്‍ത്തിക്കുന്ന യോഗ പരിശീലന കേന്ദ്രത്തിലെ ഒരാളെ പോലീസ് അറസ്റ്റ് ചെയ്തു. കേസിലെ അഞ്ചാം പ്രതിയും സ്ഥാപനത്തിലെ ജീവനക്കാരനുമായ ശ്രീരാജിനെയാണ് അറസ്റ്റ് ചെയ്തത്.[www.malabarflash.com]

    പെണ്‍കുട്ടിയുടെ പരാതിയുടെ അടിസ്ഥാനത്തില്‍ ഉദയംപേരൂര്‍ പോലീസാണ് ഇയാളെ അറസ്റ്റ് ചെയ്തത്. യോഗാകേന്ദ്രം  തിങ്കളാഴ്ച അധികൃതര്‍ അടച്ചുപൂട്ടിച്ചിരുന്നു. ഇതിന് പിന്നാലെയാണ് അറസ്റ്റ് ഉണ്ടായിരിക്കുന്നത്.

    ആര്‍ഷ വിദ്യാ സമാജം എന്ന പേരില്‍ കൗണ്‍സിലിങ് സെന്ററും ഇവിടെ പ്രവര്‍ത്തിച്ചിരുന്നു. ലൈസന്‍സില്ലാതെയാണ് കേന്ദ്രം നടത്തിയിരുന്നതെന്ന് ഉദയംപേരൂര്‍ പഞ്ചായത്ത് അറിയിച്ചു. അതിനാലാണ് അടച്ചുപൂട്ടാന്‍ നിര്‍ദേശിച്ചത്.

    25 സ്ത്രീകളും 20 പുരുഷന്‍മാരും കൗണ്‍സിലിങ്ങിനായി നിലവില്‍ ഇവിടെയുണ്ടെന്നും ഇവരെ ബന്ധുക്കള്‍ക്കൊപ്പം പറഞ്ഞയക്കുമെന്നും പോലീസ് അറിയിച്ചു.
    • Comments
    • Facebook Comments

    0 comments:

    Post a Comment

    Item Reviewed: മിശ്രവിവാഹം ചെയ്തതിന്റെ പേരില്‍ യുവതിക്ക് പീഡനം; ഒരാള്‍ അറസ്റ്റില്‍ യോഗാ കേന്ദ്രം അടച്ചുപൂട്ടി Rating: 5 Reviewed By: ന്യൂസ് ഡ­സ്‌ക്‌
    Scroll to Top