• Latest News

    Friday, August 11, 2017

    ജില്ലാ കളക്ടര്‍ ട്രെയിനിന് മുന്നില്‍ ചാടി മരിച്ചു
    Friday, August 11, 2017
    11:43:00 PM

    ഗാസിയാബാദ്: ബിഹാറിലെ യുവ ഐഎഎസ് ഓഫീസര്‍ ട്രെയിനിന് മുന്നില്‍ ചാടി ജീവനൊടുക്കി. വ്യാഴാഴ്ച രാത്രി ഒമ്പത് മണിയോടെയാണ് ബുക്‌സര്‍ ജില്ലാ ഭരണാധികാരിയായ മഹേഷ് പാണ്ഡെ(30)യെഗാസിയാബാദ് കോട്ഗാവിലെ റെയില്‍ പാളത്തിനു സമീപത്തു നിന്ന് മരിച്ച നിലയില്‍ കണ്ടെത്തിയത്.[www.malabarflash.com]

    ഷര്‍ട്ടിന്റെ പോക്കറ്റില്‍ നിന്നും റൂമില്‍ സൂക്ഷിച്ചിരുന്ന അദ്ദേഹത്തിന്റെ ബാഗില്‍ നിന്നും ആത്മഹത്യാ കുറിപ്പ് കണ്ടെത്തിയതാണ് പോലീസിനെ ആത്മഹത്യ എന്ന നിഗമനത്തില്‍ എത്തിച്ചത്.

    ദാമ്പത്യ ജീവിതത്തിലെ പ്രശ്‌നങ്ങളെ തുടര്‍ന്ന് ജീവിതം അവസാനിപ്പിക്കുന്നെന്നാണ് കുറിപ്പില്‍ പറയുന്നത്. ഡല്‍ഹി ജാനക്പുരിയിലെ ജില്ലാ കേന്ദ്രത്തിന്റെ പത്താം നിലയില്‍ നിന്നു ചാടി മരിക്കാനാണ് അദ്ദേഹം പദ്ധതിയിട്ടിരുന്നതെന്നാണ് പോലീസിന്റെ ഭാഷ്യം. എന്നാല്‍, അദ്ദേഹം എന്തിനാണെന്ന് ഗാസിയാബാദില്‍ എത്തിയതെന്ന് കണ്ടെത്താനായില്ലെന്നും പോലീസ് അറിയിച്ചു.

    താന്‍ ആത്മഹത്യ ചെയ്യാന്‍ പോവുകയാണെന്ന് അദ്ദേഹം തന്റെ സുഹൃത്തിന് മെസേജ് നല്‍കിയിരുന്നു. ഇതേ തുടര്‍ന്ന് സുഹൃത്ത് പോലീസിനെ വിവരമറിയിച്ചു. പോലീസ് റൂമില്‍ എത്തിയപ്പോഴേക്കും അയാള്‍ ഹോട്ടലില്‍ നിന്നു പോയിരുന്നു. റൂമില്‍ നടത്തിയ തിരച്ചിലിലാണ് ആത്മഹത്യ കുറിപ്പ് കണ്ടെത്തിയത്.

    2012 ബാച്ചിലെ ഓഫീസറാണ് പാണ്ഡെ. യുപിഎസ് സി പരീക്ഷയില്‍ 14 ാം റാങ്ക് ലഭിച്ചിരുന്നു. ഭാര്യയും രണ്ട് മാസം പ്രായമുള്ള മകളുമുണ്ട്. കഴിഞ്ഞയാഴ്ചയാണ് ബുക്‌സറില്‍ ജോലിയില്‍ പ്രവേശിച്ചത്.



    Keywords: Kerala News, Kerala Vartha, Malabarflash, Malabar news, Malayalam News
    • Comments
    • Facebook Comments

    0 comments:

    Post a Comment

    Item Reviewed: ജില്ലാ കളക്ടര്‍ ട്രെയിനിന് മുന്നില്‍ ചാടി മരിച്ചു Rating: 5 Reviewed By: ന്യൂസ് ഡ­സ്‌ക്‌
    Scroll to Top