• Latest News

    Monday, July 24, 2017

    റബീഉല്ലയുടെ വീട്ടിലേക്ക്​ അതിക്രമിച്ച്​ കടക്കാൻ ശ്രമം; നാട്ടുകാർ വാഹനം തകർത്തു
    Monday, July 24, 2017
    10:42:00 PM

    മലപ്പുറം: പ്രമുഖ വ്യവസായിയും ശിഫ അൽജസീറ മെഡിക്കൽ ഗ്രൂപ്പ്​ ചെയർമാനുമായ ഡോ. കെ.ടി. റബീഉല്ലയുടെ വീട്ടിലേക്ക്​ അതിക്രമിച്ച്​ കടക്കാൻ ശ്രമം. തിങ്കളാഴ്​ച രാവിലെ മലപ്പുറം കോഡൂരിലെ വീട്ടിലേക്കാണ്​ മൂന്ന്​ വാഹനങ്ങളിലായി എത്തിയവർ​ കടക്കാൻ ശ്രമിച്ചത്​. കർണാടക രജിസ്​ട്രേഷനുള്ള വാഹനങ്ങളിൽ എത്തിയവർ റബീഉല്ലയെ നേരിട്ട്​ കാണണമെന്ന്​ ആവശ്യപ്പെട്ടു.[www.malabarflash.com]

    എന്നാൽ, കാവൽക്കാരൻ അനുമതി നിഷേധിച്ചതോടെ സംഘത്തിലുണ്ടായിരുന്ന രണ്ടുപേർ മതിൽ ചാടി അകത്തു കടക്കാൻ ശ്രമിക്കുകയായിരുന്നു. ഇൗ സമയം പരിസരത്ത്​ തടിച്ചുകൂടിയ നാട്ടുകാർ ഇവരെ പിടികൂടി പോലീസിലേൽപ്പിച്ചു. സംഘം വന്ന വാഹനങ്ങളിലൊന്നി​​െൻറ ചില്ല്​ അടിച്ചുതകർക്കുകയും ചെയ്​തു. മറ്റ്​ രണ്ട്​ വാഹനങ്ങളിലുണ്ടായിരുന്നവർ രക്ഷപ്പെട്ടതായാണ്​ വിവരം.

    വിവരമറിഞ്ഞെത്തിയ പോലീസ്​ നാട്ടുകാർ തകർത്ത വാഹനം മലപ്പുറം സ്​റ്റേഷനിലേക്ക്​ മാറ്റി. ബി.ജെ.പി ന്യൂനപക്ഷ മോർച്ചയുടെ ദേശീയ നേതാക്കളിലൊരാളും സംഘവുമാണ്​ വാഹനത്തിലുണ്ടായിരുന്നതെന്നാണ്​ ലഭ്യമാകുന്ന വിവരം.

    അതേസമയം, സംഘാംഗങ്ങളിൽ ചിലരും വാഹനവും പോലീസ്​ കസ്​റ്റഡിയിലുണ്ടെങ്കിലും ആർക്കും പരാതിയില്ലാത്തതിനാൽ കേസെടുത്തിട്ടില്ല.

    റബീഉല്ലയെ കാണാനില്ലെന്നും ബന്ധുക്കളാണ്​ ഇതിന്​ പിറകിലെന്നുമുള്ള രീതിയിൽ ചില ഒാൺലൈൻ മാധ്യമങ്ങളിൽ അടുത്ത ദിവസങ്ങളിൽ വാർത്തകൾ വന്നിരുന്നു.

    എന്നാൽ​, ചികിത്സയിലായിരുന്ന താന്‍ ഡോക്​ടർമാരുടെ നിർദേശാനുസരണം ഫോൺ ഉപയോഗം കുറക്കുകയും സാമൂഹിക മാധ്യമങ്ങളിൽ നിന്ന്​ വിട്ടുനില്‍ക്കുകയുമായിരുന്നുവെന്ന് വ്യക്​തമാക്കി അദ്ദേഹം ഫേസ്​​ബുക്കിൽ വീഡിയോ പോസ്​റ്റ്​ ചെയ്​തിരുന്നു​.

    കുടും​ബത്തോടൊപ്പം മലപ്പുറത്തെ വീട്ടിൽ തന്നെയുണ്ടെന്നും ചികിത്സ പൂർത്തിയാക്കിയ ശേഷം ഗൾഫിലേക്ക് തിരികെയെത്തുമെന്നുമാണ്​ വ്യക്തമാക്കിയിരുന്നത്​. ഇതിന്​ പിന്നാലെയാണ്​ പുതിയ സംഭവവികാസങ്ങൾ.





    Keywords: Kerala News, Kerala Vartha, Malabarflash, Malabar news, Malayalam News
    • Comments
    • Facebook Comments

    0 comments:

    Post a Comment

    Item Reviewed: റബീഉല്ലയുടെ വീട്ടിലേക്ക്​ അതിക്രമിച്ച്​ കടക്കാൻ ശ്രമം; നാട്ടുകാർ വാഹനം തകർത്തു Rating: 5 Reviewed By: ന്യൂസ് ഡ­സ്‌ക്‌
    Scroll to Top