• Latest News

    Thursday, June 29, 2017

    സേലത്ത് വാഹനാപകടം: രണ്ട് മലയാളികൾ മരിച്ചു
    Thursday, June 29, 2017
    12:14:00 AM

    കോയമ്പത്തൂർ: സേലത്തിന്​ സമീപമുണ്ടായ ബൈക്കപകടത്തിൽ രണ്ട്​ മലയാളി യുവാക്കൾ മരിച്ചു. കോഴിക്കോട്​ കൊയിലാണ്ടി സ്വദേശികളായ റസൽ എന്ന റസത്ത്​ അലി (22), അബ്​ദുൽ ആദിൽ എന്ന അഫ്​സൽ അലി (23) എന്നിവരാണ്​ മരിച്ചത്​.[www.malabarflash.com] 

    ചെന്നൈയിലെ സ്വകാര്യ സോഫ്​റ്റ്​വെയർ കമ്പനിയിൽ ജോലി ചെയ്യുന്ന ഇരുവരും അടുത്ത സുഹൃത്തുക്കളാണ്​.

    പെരുന്നാൾ ആഘോഷത്തിന്​ ഇവർ ബൈക്കിലാണ്​ ചെന്നൈയിൽനിന്ന്​ നാട്ടി​ലെത്തിയത്​. മൂന്ന്​ ദിവസത്തെ ആഘോഷത്തിനുശേഷം ചൊവ്വാഴ്​ച രാത്രി 11നാണ്​ ഒരേ ബൈക്കിൽ ചെന്നൈയിലേക്ക്​ തിരിച്ചത്​. പാലക്കാട്​, കോയമ്പത്തൂർ, സേലം വഴി കടന്നുപോയ ശേഷം ആത്തൂരിന്​ സമീപം ദേശീയപാതയിൽ നിയന്ത്രണംവിട്ട്​ ബൈക്ക്​ സ​സന്റര്‍ മീഡിയനിൽ ഇടിച്ച്​ തെറിക്കുകയായിരുന്നു. റസൽ സംഭവസ്​ഥലത്തും അബ്​ദുൽ ആദിൽ ആത്തൂർ ഗവ. ആശുപത്രിയിലുമാണ്​ മരിച്ചത്​.

    ആറോടെയാണ്​ അപകടം. തലൈവാസൽ പോലീസ്​ കേസ്​ രജിസ്​റ്റർ ചെയ്​തു. അപകടത്തിൽപ്പെട്ടവരുടെ ഡ്രൈവിങ്​ ലൈസൻസിലെ വിലാസത്തിൽ ബന്ധപ്പെട്ടാണ്​ പോലീസ്​ ബന്ധുക്കളെ വിവരമറിയിച്ചത്​.



    Keywords: Kerala News, Kerala Vartha, Malabarflash, Malabar news, Malayalam News
    • Comments
    • Facebook Comments

    0 comments:

    Post a Comment

    Item Reviewed: സേലത്ത് വാഹനാപകടം: രണ്ട് മലയാളികൾ മരിച്ചു Rating: 5 Reviewed By: ന്യൂസ് ഡ­സ്‌ക്‌
    Scroll to Top