• Latest News

    Saturday, May 13, 2017

    പതിമൂന്നുകാരിയെ പീഡിപ്പിച്ച കേസില്‍ പാസ്റ്റര്‍ക്ക് ജീവപര്യന്തം
    Saturday, May 13, 2017
    1:01:00 AM

    തൃശൂര്‍: പീച്ചിയില്‍ പതിമൂന്നുകാരിയെ പീഡിപ്പിച്ച കേസില്‍ പാസ്റ്റര്‍ക്ക് ജീവപര്യന്തം തടവും 50,000 രൂപ പിഴയും കോടതി വിധിച്ചു.പീച്ചി സാല്‍വേഷന്‍ ആര്‍മി ചര്‍ച്ച് പാസ്റ്റര്‍, കോട്ടയം കറുകച്ചാല്‍ സ്വദേശി സനില്‍ പി. ജയിംസിനാണ് തൃശൂര്‍ പോക്‌സോ കോടതി ശിക്ഷ വിധിച്ചത്.[www.malabarflash.com]

    പെന്തക്കോസ്ത് സഭാ പാസ്റ്ററായ സനില്‍ സുവിശേഷ പ്രസംഗത്തിന്റെയും വീടു സന്ദര്‍ശനത്തിന്റെയും മറവിലാണ് പെണ്‍കുട്ടികളെ പ്രലോഭിപ്പിച്ചും ഭീഷണിപ്പെടുത്തിയും പീഡിപ്പിച്ചത്.

    സ്‌കൂളില്‍ നടത്തിയ കൗണ്‍സിലിംഗിലാണ് കുട്ടികള്‍ പീഡിപ്പിക്കപ്പെട്ട വിവരം വെളിപ്പെടുത്തിയത്. തുടര്‍ന്ന് പോലീസ് അന്വേഷണം നടത്തി സുനിലിനെ അറസ്റ്റ് ചെയ്യുകയായിരുന്നു.

    ഈ കേസില്‍ പീഡനത്തിനിരയായ പെണ്‍കുട്ടിയുടെ സഹപാഠിയായ കുട്ടിയെ പീഡിപ്പിച്ച കേസില്‍ 40 വര്‍ഷം തടവിന് വിധിക്കപ്പെട്ട വിയ്യൂര്‍ ജയിലിലാണ് സനില്‍ ഇപ്പോള്‍. ഈ കേസിന് പുറമേയാണ് മറ്റൊരു പീഡനക്കേസിലും ഇപ്പോള്‍ വിധിയുണ്ടായിരിക്കുന്നത്.

    Keywords: Kerala News, Kerala Vartha, Malabarflash, Malabar news, Malayalam News
    • Comments
    • Facebook Comments

    0 comments:

    Post a Comment

    Item Reviewed: പതിമൂന്നുകാരിയെ പീഡിപ്പിച്ച കേസില്‍ പാസ്റ്റര്‍ക്ക് ജീവപര്യന്തം Rating: 5 Reviewed By: ന്യൂസ് ഡ­സ്‌ക്‌
    Scroll to Top