• Latest News

    Tuesday, May 30, 2017

    കാമുകനെ ഉപയോഗിച്ച് യുവതി ഭര്‍ത്താവിനെ കൊലപ്പടുത്തി; ഫോണിലൂടെ മരണവെപ്രാളം കേട്ട് ആസ്വദിച്ചു
    Tuesday, May 30, 2017
    2:25:00 AM

    കൊല്‍ക്കത്ത: കാമുകനെ ഉപയോഗിച്ച് ഭര്‍ത്താവിനെ കൊലപ്പടുത്തിയ യുവതി ഫോണിലൂടെ മരണവെപ്രാളം കേട്ട് ആസ്വദിച്ചു. ഒന്നാം വിവാഹ വാര്‍ഷികത്തിന് ഭാര്‍ത്താവിന് സ്വര്‍ണ മോതിരം സമ്മാനിച്ച അതേസമയം തന്നെയാണ് യുവതി ഭര്‍ത്താവിന്റെ മരണത്തിന് തിരക്കഥ ഒരുക്കിയത്. പശ്ചിമബംഗാളിലാണ് സംഭവം.[www.malabarflash.com]
    മനുവ മജുംദാര്‍ എന്ന 28കാരിയാണ് തന്റെ ഭര്‍ത്താവ് അനുപം സിന്‍ഹയെ കൊലപ്പെടുത്തിയത്. കാമുകന്‍ അജിത് റോയി എന്ന 26കാരനൊപ്പം ചേര്‍ന്നാണ് മനുവ മജുംദാര്‍ തന്റെ ഭര്‍ത്താവിനെ വകവരുത്തിയത്. ബാരാസാത് മുനിസിപ്പാലിറ്റിയിലെ താല്‍ക്കാലിക ജീവനക്കാരിയായ മനുവയും അജിത്തും കോളജ് കാലം മുതല്‍ പ്രണയത്തിലായിരുന്നു.

    എന്നാല്‍ ട്രാവല്‍ ഏജന്‍സിയില്‍ മാനേജരായ അനുപവുമായി ഒരു വര്‍ഷം മുമ്പ് മനുവയുടെ വിവാഹം കഴിഞ്ഞു. എന്നാല്‍ പിന്നീട് കാമുകനുമായി ചേര്‍ന്ന് ഭര്‍ത്താവിനെ കൊലപ്പെടുത്താന്‍ മനുവ തീരുമാനിക്കുകയായിരുന്നു. ഈ മാസം മൂന്നിനാണ് കൊലപാതകം നടന്നത്. അനുപത്തിന്റെ വീട്ടില്‍ വച്ചാണ് അജിത്ത് കൊലപാതകം നടത്തിയത്.

    ഇരുമ്പ് ദണ്ഡ് ഉപയോഗിച്ച് അനുപത്തിന്റെ തലയ്ക്ക് അടിച്ച ശേഷം ഞരമ്പുകള്‍ മുറിച്ച് കൊല്ലുകയായിരുന്നു. വേദന കൊണ്ട് പുളഞ്ഞ് അനുപത്തിന്റെ മരണ വെപ്രാളം മനുവയെ ഫോണിലൂടെ കേള്‍പ്പിക്കാനും അജിത്ത് മറന്നില്ല. കൊലപാതകത്തിന് ശേഷം അപ്പാര്‍ട്ട്‌മെന്റ് കഴുകി വൃത്തിയാക്കിയ അജിത്ത് ഗംഗാനദിയില്‍ കുളിച്ച ശേഷം ചോരപുരണ്ട വസ്ത്രങ്ങള്‍ നദിയില്‍ ഒഴുക്കുകയും ചെയ്തു.

    മൃതദേഹത്തിന് സമീപത്ത് നിന്ന് ലഭിച്ച വിവാഹ വാര്‍ഷിക സമ്മാനമായ മോതിരത്തില്‍ നിന്നുമാണ് പോലീസ് പ്രതികളിലേക്ക് എത്തിയത്. മനുവ സമ്മാനിച്ച മോതിരം അനുപത്തിന്റെ വിരലില്‍ കിടക്കുന്നത് തനിക്ക് ഇഷ്ടമല്ലായിരുന്നെന്ന് ചോദ്യം ചെയ്യലില്‍ അജിത്ത് പറഞ്ഞു. കൊലപാതകം നടന്ന് രണ്ടാഴ്ചയ്ക്ക് ശേഷമാണ് പ്രതികളെ അറസ്റ്റ് ചെയ്തത്.

    Keywords: National News, Kerala Vartha, Malabarflash, Malabar news, Malayalam News
    • Comments
    • Facebook Comments

    0 comments:

    Post a Comment

    Item Reviewed: കാമുകനെ ഉപയോഗിച്ച് യുവതി ഭര്‍ത്താവിനെ കൊലപ്പടുത്തി; ഫോണിലൂടെ മരണവെപ്രാളം കേട്ട് ആസ്വദിച്ചു Rating: 5 Reviewed By: ന്യൂസ് ഡ­സ്‌ക്‌
    Scroll to Top