• Latest News

    Saturday, March 18, 2017

    ബാങ്കിങ് ഇടപാടുകള്‍ സൗജന്യമായി നല്‍കി പോസ്റ്റ് ഓഫീസുകള്‍
    Saturday, March 18, 2017
    8:30:00 AM

    തിരുവനന്തപുരം: സേവനത്തിന് പ്രത്യേക നിരക്കുകള്‍ ഈടാക്കാതെ ബാങ്കിങ് ഇടപാടുകള്‍ സൗജന്യമായി നല്‍കി പോസ്റ്റ് ഓഫീസുകള്‍.[www.malabarflash.com]

    സൗജന്യ എടിഎം ഉപയോഗം, എടിഎംകാര്‍ഡിന് വാര്‍ഷിക ഫീസില്ല എന്നിങ്ങനെ സേവനങ്ങളെല്ലാം സൗജന്യമായി നല്‍കുകയാണ് പോസ്റ്റ് ഓഫീസ് ബാങ്ക്. മാത്രമല്ല അകൗണ്ടില്‍ മിനിമം ബാലാന്‍സ് വെറും 50 രൂപ നിലനിര്‍ത്തിയാല്‍ മതി.

    അക്കൗണ്ട് ഉടമകള്‍ക്ക് ലഭിക്കുന്ന വിസ റൂപ്പേ ഡെബിറ്റ് കാര്‍ഡ് ഉപയോഗിച്ച് പോസ്റ്റ് ഓഫീസ് എടിഎമ്മുകള്‍ക്കുപുറമെ, ബാങ്കുകളുടെ എടിഎമ്മില്‍നിന്നും സൗജന്യമായി പണം പിന്‍വലിക്കാനും ഓണ്‍ ലൈന്‍ ഇടപാട് നടത്താനും കഴിയും.

    അക്കൗണ്ട് സജീവമായി നിലനിര്‍ത്താന്‍ മൂന്ന് വര്‍ഷത്തിലൊരിക്കലെങ്കിലും ഇടപാട് നടത്തേണ്ടതുണ്ട്.

    അധാര്‍ കാര്‍ഡും ഫോട്ടോയുമായി അടുത്തുള്ള പോസ്റ്റ് ഓഫീസിലെത്തി അക്കൗണ്ട് തുടങ്ങാവുന്നതാണ്. ജോയിന്റ് അക്കൗണ്ട് സൗകര്യം ലഭ്യമാണ്. വലിയ തുകയുടെ ഇടപാട് നടത്താന്‍ പാന്‍ നമ്പര്‍കൂടി നല്‍കേണ്ടതുണ്ട്.

    രാജ്യത്തെ മിക്കവാറും ഹെഡ് പോസ്റ്റ് ഓഫീസുകളില്‍ എടിഎമ്മുകള്‍ ഉണ്ട്‌. മറ്റ് ബാങ്കുകളുടെ എടിഎമ്മും പണം പിന്‍വലിക്കുന്നതിനായി ഉപയോഗിക്കാം.

    Keywords: Kerala News, Kerala Vartha, Malabarflash, Malabar news, Malayalam News
    • Comments
    • Facebook Comments

    0 comments:

    Post a Comment

    Item Reviewed: ബാങ്കിങ് ഇടപാടുകള്‍ സൗജന്യമായി നല്‍കി പോസ്റ്റ് ഓഫീസുകള്‍ Rating: 5 Reviewed By: ന്യൂസ് ഡ­സ്‌ക്‌
    Scroll to Top