• Latest News

    Friday, March 10, 2017

    കളനാട് സ്വദേശി ഷാര്‍ജയില്‍ കുഴഞ്ഞുവീണ് മരിച്ചു
    Friday, March 10, 2017
    5:00:00 PM

    ഷാര്‍ജ: കളനാട് സ്വദേശി ഷാര്‍ജയില്‍ കുഴഞ്ഞുവീണ് മരിച്ചു. കളനാട്ടെ പരേതനായ അബൂബക്കറിന്റെ മകന്‍ മുഹമ്മദ് റഫീഖ് (35) ആണ് മരിച്ചത്. ഷാര്‍ജ റോളയിലെ അല്‍ ഗുവൈര്‍ മാര്‍ക്കറ്റില്‍ ഫാന്‍സി കട നടത്തിവരികയായിരുന്നു റഫീഖ്. [www.malabarflash.com]

    വെള്ളിയാഴ്ച ഉച്ചയ്ക്ക് ജുമാ നിസ്‌കാരത്തിനായി കടയടച്ച് പോകുന്നതിനിടെ തലകറക്കം അനുഭവപ്പെട്ട റഫീഖ് മുറിയിലേക്ക് പോകുന്നതിനായി സ്റ്റെപ്പ് കയറുന്നതിനിടെ കുഴഞ്ഞുവീഴുകയായിരുന്നു. ഉടന്‍ തന്നെ ഷാര്‍ജ കുവൈത്ത് ആശുപത്രിയില്‍ പ്രവേശിപ്പിച്ചെങ്കിലും അപ്പോഴേക്കും മരിച്ചിരുന്നു. മൃതദേഹം നാട്ടിലെത്തിക്കുന്നതിനുള്ള നടപടികള്‍ സ്വീകരിച്ചുവരികയാണെന്ന് ബന്ധുക്കള്‍ അറിയിച്ചു.

    മാതാവ്: ഖദീജ. ഭാര്യ: നജ്മുന്നിസ മേല്‍പ്പറമ്പ് മാക്കോട്. മക്കള്‍: സിയാദ് (കളനാട് ഹൈദ്രോസ് ജമാഅത്ത് യു കെ ജി വിദ്യാര്‍ത്ഥി), ഫാത്വിമ (രണ്ടര വയസ്). സഹോദരങ്ങള്‍: അബ്ദുര്‍ റഹീം (ഷാര്‍ജ), ബേക്കല്‍ മൗവ്വലിലെ ഇസ്മാഈലിന്റെ ഭാര്യ ഫാഇസ, ബേക്കലിലെ ഹാരിസിന്റെ ഭാര്യ ആമിന, അതിഞ്ഞാലിലെ റിയാസിന്റെ ഭാര്യ സര്‍ഫീന.
    • Comments
    • Facebook Comments

    0 comments:

    Post a Comment

    Item Reviewed: കളനാട് സ്വദേശി ഷാര്‍ജയില്‍ കുഴഞ്ഞുവീണ് മരിച്ചു Rating: 5 Reviewed By: ന്യൂസ് ഡ­സ്‌ക്‌
    Scroll to Top