• Latest News

    Monday, January 23, 2017

    കാമുകിയുടെ നഗ്നചിത്രങ്ങൾ ഫേസ്ബുക്കിൽ; ബംഗ്ലാ ക്രിക്കറ്റ് താരം അറസ്റ്റിൽ
    Monday, January 23, 2017
    12:28:00 AM

    ധാക്ക: കാമുകിയുടെ നഗ്നചിത്രങ്ങൾ നവമാധ്യമങ്ങളിലൂടെ പ്രചരിപ്പിച്ചതിന് ബംഗ്ലാദേശ് ക്രിക്കറ്റ് താരം അരാഫത്ത് സണ്ണി അറസ്റ്റിൽ. ഇൻഫർമേഷൻ ആൻഡ് കമ്യൂണിക്കേഷൻ ടെക്നോളജി ആക്ട് പ്രകാരമാണ് അരാഫത്തിനെതിരേ പോലീസ് കേസ് രജിസ്റ്റർ ചെയ്തിരിക്കുന്നത്.[www.malabarflash.com]

    അറസ്റ്റിലായ അരാഫത്ത് സണ്ണിയെ അഞ്ചു ദിവസത്തേക്കു പോലീസ് കസ്റ്റഡിയിൽ വിട്ടു. കുറ്റക്കാരനാണെന്നു കണ്ടെത്തിയാൽ അരാഫത്തിനു കുറഞ്ഞത് 14 വർഷം ജയിൽ ശിക്ഷയും ഒന്നേകാൽ ലക്ഷം ഡോളർ പിഴയും ഒടുക്കേണ്ടിവരും.

    ഫേസ്ബുക്കിലൂടെ മറ്റൊരു കൂട്ടുകാരിക്കാണ് അരാഫത്ത് സണ്ണി കാമുകിയുടെ ചിത്രങ്ങൾ അയച്ചുകൊടുത്തത്. വ്യാജ അക്കൗണ്ടിലൂടെയായിരുന്നു ചിത്രങ്ങൾ പ്രചരിപ്പിച്ചത്. ഇക്കാര്യം ചൂണ്ടിക്കാട്ടി ഈ മാസം അഞ്ചിനാണ് കാമുകി പോലീസിൽ പരാതി നൽകിയത്.

    2014ൽ അരങ്ങേറ്റം കുറിച്ച അരാഫത്ത് സണ്ണി ബംഗ്ലാദേശിനായി 16 ഏകദിനങ്ങളിലും 10 ട്വന്‍റി 20 മത്സരങ്ങളിലും ജേഴ്സിയണിഞ്ഞിട്ടുണ്ട്. കഴിഞ്ഞവർഷം മാർച്ചിൽ ഇന്ത്യക്കെതിരേയാണ് താരം അവസാനമായി ദേശീയ ജേഴ്സിയണിഞ്ഞത്. വിവിധ കുറ്റകൃത്യങ്ങളിൽപെട്ട് അടുത്തകാലത്ത് അറസ്റ്റിലാകുന്ന മൂന്നാമത്തെ ബംഗ്ലാദേശി ക്രിക്കറ്റ് താരമാണ് അരാഫത്ത്. റൂബൽ ഹുസൈൻ, ഷഹാദത്ത് ഹുസൈൻ എന്നിവരാണു നേരത്തെ അറസ്റ്റിലായ ബംഗ്ലാദേശ് കളിക്കാർ.


    Keywords: World News, Kerala Vartha, Malabarflash, Malabar news, Malayalam News
    • Comments
    • Facebook Comments

    0 comments:

    Post a Comment

    Item Reviewed: കാമുകിയുടെ നഗ്നചിത്രങ്ങൾ ഫേസ്ബുക്കിൽ; ബംഗ്ലാ ക്രിക്കറ്റ് താരം അറസ്റ്റിൽ Rating: 5 Reviewed By: ന്യൂസ് ഡ­സ്‌ക്‌
    Scroll to Top